Marrëveshja e Washingtonit ndërmjet Kosovës dhe Serbisë për normalizim të marrëdhënieve ekonomike po shihet si shtrim i rrugës së arritjes së marrëveshjes paqësore në mes të dyja vendeve.

Kjo e ka shtyrë deputetin e Partisë Kristian Demokrate në Suedi, Magnus Jacobsson, që të ndërmarrë iniciativën për nominimin e qeverive të SHBA, Kosovës dhe Serbisë për Çmimin Nobel për Paqe. Ai sot ia ka dorëzuar nominimin Akademisë së Shkencave të Norvegjisë e cila ndan çmimet Nobel.

“Nëse marrëveshja e nënshkruar funksionon siç synohet, tregtia dhe marrëdhëniet e hapura personale do të hapnin rrugën për një marrëveshje të nde?rsjellë paqësore në të cilën Serbia mund ta njohë Kosovën, me çka do ti jepej fund këtij konflikti të gjatë” thuhet në dokument.

“Prandaj dua që të nominoj Qeverinë e Shteteve të Bashkuara të Amerikës, Qeverinë e Kosovës dhe Qeverinë e Serbisë për çmimin Nobel për Paqe, pasi që përmes kësaj marrëveshjeje synohet eliminimi i rrezikut për konflikte të reja në Ballkan dhe ka afrim drejt paqes dhe njohjes reciproke” thuhet në dokumentin e nominimit.

Jacobsson i cili njeh zhvillimet në Ballkan vlerëson se në procesin drejt paqes ndërmjet Kosovës dhe Serbisë, Presidenti i SHBA Donald Trump po luan rol të rëndësishëm

Post Views: 1,498