Kryeministri Edi Rama nuk e ka harruar debatin e mbrëmshëm me analistin Andi Bushati, teksa ka sjellë një arritje që sipas tij ka bërë Shqipëria në tregjet ndërkombëtare.

Rama thotë se tregjet e kanë deklaruar sot se Shqipëria që su thye nga tërmeti e su gjunjëzua nga Covidi, do dalë më i fortë nga të dyja

Rama shkrua: Analistët e shifrave që nuk i kuptojnë dhe opozitarët e aritmetikës që nuk e zotërojnë, le ta shohin rezultatin e sapo arritur të Shqipërisë në tregjet e kapitaleve, ku përgjigja për Eurobondin në shqip përkthehet: Besojmë tek Shqipëria dhe tek libri i llogarive të saj

Meqë këta nuk dinë ti gëzohen asnjë të mire të këtij vendi dhe meqë unë nuk i konsideroj shpulla për ta sukseset e Shqipërisë, u them se doni sdoni ju, edhe tregjet e thanë sot se ky vend që su thye nga tërmeti e su gjunjëzua nga Covidi, do dalë më i fortë nga të dyja

Dhe natyrisht, kur një vend arrin këtë rezultat spektakolar në një kohë kaq të vështirë dhe megjithë vajtojcat që e qajnë dhe shajnë përditë, nuk ka se si të mos jesh krenar si kryetar i qeverisë, për librin e llogarive të shtetit që merr një vlerësim kaq spektakolar nga tregjet

Ah po, se mos harroj, meqë është në modë krahasimi me vendet përreth, le ti marrin e ti krahasojnë tani përgjigjet e tregjeve për secilin prej vendeve, që së fundi kanë dalë për Eurobondin në kërkim të financimit të ekonomive postCovid

Post Views: 3,180