eetimes
Kryeministri Edi Rama me anë të disa reagimeve në “Tëitter” ka mbrojtur paketën anti-KCK, duke thënë se operacionet OFL kanë marrë kritika aspak me vend nga elementë të opozitës.
Rama publikon mesazhin e një qytetari, që thotë se ndihet i tronditur nga shpifjet dhe akuzat ndaj paketës anti KCK.
“A janë njerëz këta a ça janë?” më shkruan një qytetar i tronditur nga komentet e studiove televizive kundër paketës antiKÇK! Eh,kanë kaq kohë që shajnë,akuzojnë,shpifin për lidhjet e qeverisë me krimin dhe mblidhen në sallonet tv sa herë ndodh një vrasje, duke sulmuar qeverinë” shkruan Rama.
Edi Rama shigjeton më tej analistët, duke thënë se sot bëjnë avokatin e krimit.
“Njerëz janë njerëz, po janë armiqësuar me të vërtetën, me faktet e me vetë profesionin e tyre për inat të qeverisë!Dhe janë kaq qorrazi kundër qeverisë, sa tani janë kthyer befas në avokatë gjynahqarë të krimit, që po lënë kokrrën e namit me dokrrat e dembelizmit të tyre mendor
Sot që qeveria është angazhuar në ofensivën më shembullore kundër krimit në historinë e vendit,mblidhen në sallonet tv për të mbrojtur krimin nga qeveria që po shkel të drejtat e atyre,të cilët deri dje pa pikën e turpit, i lidhnin me mua,me PS e me çdo fitore elektorale të PS” shprehet më tej Rama.
