Postimi i fundit i legjendës Kobe Bryant në rrjetet sociale është një foto e tij me LeBron James. Mijëra sportdashës (dhe jo vetëm) nga e gjithë bota janë pikëlluar nga lajmi që legjenda e basketbollit sot ka ndërruar jetë dhe ende nuk iu besojnë syve, kur lexojnë lajme për aksidentin e tij me helikopterin privat. Komentet në atë foto të fundit nuk reshtin.

Kjo e diel duhej të mbyllej me ndonjë emision “show” në televizion, pranë familjeve tona dhe duke menduar për nisjen e vrullshme të javës që po vjen, por jo. Fatkeqësisht, java po mbyllet me një lajm shumë të rëndë, të cilin nuk do ta ketë askush të lehtë ta pranojë.

“Kobe, ti je arsyeja pse shoh basketboll. Ndihem jashtëzakonisht keq për aksidentin tënd. U prehsh në paqe!” shkruan një fanse e ish basketbollistit të famshëm. “Ngushëllime familjarëve! Uroj që lajmet e fundit që po lexoj të mos jenë të vërteta”, shkruan një tjetër fans i tij, duke iu referuar faktit se në ABC News (Amerikë) raportohet se në helikopter kanë qenë edhe vajzat e Bryant (pa shkruar numër – ai ka 4)

Post Views: 2,433