eetimesIsh-deputeti i PD-së, Bardh Spahia akuzon për papërgjegjshmëri në urgjencën e Pediatrisë në QSUT. Ai ka publikuar në faqen e tij në rrjetet sociale disa foto, sipas tij të bëra mbrëmjen e sotme nga radhët te Pediatria dhe kushtet. Bardh Spahia denoncon se prindër me fëmijë me temperaturë presin me orë të tëra për të marrë mjekim, me radhët që shkojnë deri në oborr.
E ndërsa akuzon se mungesës së mjekëve për të përballuar fluksin e vizitave, i shtohet edhe mungesa e vendeve për të shtruar urgjencat, ai ngre pyetjen për ministrinë e Shëndetësisë; si dreqin mund të mos jesh i përgatitur për një fluks gripi, të zakonshëm deri tani?
“Papergjegjshmeri skandaloze me urgjencen e pediatrise. Thellohet situata skandaloze në Urgjencën e Pediatrisë në QSUT. Prindër me fëmijë me temperaturë që presin me orë të tëra për të marrë mjekim, deri në oborr. Mungesës së mjekëve për të përballuar fluksin e vizitave, i shtohet edhe mungesa e vendeve për të shtruar urgjencat.
Prindërit pasi qëndrojnë në rradhë me orë, blejnë mjekimin në farmaci dhe mjekët thjesht ua administrojnë sepse nuk ka vende, sado rëndë të jenë pacientët! Parashikueshmëri zero! Si dreqin mund të mos jesh i përgatitur për një fluks gripi, të zakonshëm deri tani? Po sikur larg qoftë të përballemi me ndonjë situate a patologji tjetër me te rende?
As një grip të thjeshtë tek pediatria nuk përballojmë dot???? Si mund të jetë paaftësia kaq epike? Zonja Manastirliu, e përsëris për të disatën herë, shëndeti i njerëzve nuk mund të trajtohet si PPP! Shkoni e shikoni situatën e prindërve të dëshpëruar tek urgjenca e pediatrisë! Nuk mjafton roja te dera për të penguar kamerat televizive! Bëhet fjalë për shëndet fëmijësh! Ke një situatë që duhet adresuar sa më parë”shkruan ai.
