Një lajm i mirë për pensionistët, të cilët do të gëzohen edhe këtë vit me shpërblimin e fundvitit. Lajmi është bërë i ditur nga ministrja e Financave Anila Denaj, e cila pohoi se shuma që iu akordohet pensionistëve, por edhe kategorive të tjera që trajtohen me ndihmë është në masën e 3 mijë lekëve të reja.

Në një konferencë për shtyp ajo tha se pavarësisht situatës që po kalon vendi pas tërmetit, ku është akrdoruar dhe fondi për rindërtim, është mbajtur premtimi për këtë kategori.

“Këshilli i Ministrave mori vendimit për të akorduar fondin e shpërblimit për pensionistë. Ishte një vit jo i lehtë duke marrë parasysh fondin për rindërtimit. Mbajtën premtimin për këtë kategori. Shpërblimi do të jetë 3 mijë lekë të reja pensionistë dhe të gjitha kategoritë që përfitojnë ndihmë. Janë 663 mijë pensionist që përfitojnë”, pohoi ministrja.

Kujtojmë se një vit më parë shpërblimi për këto kategori ishte në masën e 5 mijë lekëve të rinj.

Post Views: 1,786