![](https://eetimestv.com/wp-content/uploads/2024/05/xwyD90lp-juli_sd.jpg)
Banorët e shtëpisë së më të famshme në Shqipëri janë surprizuar mbrëmë nga Vëllai i Madh. Pasi lexuan mesazhet në “Big Love”, ata kanë parë edhe puntatën e parë të “Big Brother VIP3”, ku nuk kanë munguar emocionet dhe lotët.
Banori që u prek më shumë nga të gjithë ishte Julian Deda i cili kur pa klipin, ku përmendte dhe babanë e tij. E teksa në klipin e prezantimit përmendte të atin e ndjerë, aktori i njohur nuk i ndaloi dot lotët.
Në momentin kur u shfaq në led wall pamja e tij me të atin Zef Deda, Juli u prek, me duar në sy duke fshirë lotët dhe buza që i dridhej shprehu se sa shumë i mungon dhe sa i mërzitur ndihet për largimin e tij nga kjo botë.
Në një moment gjatë klipit Juli shprehej:
“Nëse babai im do ishte gjallë sot, ai sigurisht do më kishte mbështetur me të dyja duart. Para se të largohej nga jeta unë e kam diskutuar me të dhe më tha patjetër. “Në qoftë se ndodh që të futesh mos e tradhto Julin”, këtë më tha dhe unë do mundohem ta zbatoj porosinë e tij dhe finale që ne të jemi të qeshur dhe unë do jem i qeshur dhe do përpiqem të bëj sa më shumë për të qeshur sepse kjo do ishte dëshira e tij”.