![](https://eetimestv.com/wp-content/uploads/2023/08/Oltian-Bistrit-dhe-Pellumb-gjoka-770x434-1.jpg)
Apeli i GJKKO ka lënë në fuqi sekuestron e pronave të biznesmenit Pëllumb Gjoka, i arrestuar pjesë e një grupi kriminal pas zbërthimit të komunikimeve në aplikacionin Sky ECC. Biznesmenit Pëllumb Gjoka, i shpallur edhe investitor strategjik, i janë sekuestruar 390 mijë metra tokë në plazhin e Velipojës me kërkese të SPAK, por Apeli i GJKKO rrëzoi ankimin e tij.
Pasuritë e vendosura në sekuestro preventive
1-Pasuria e llojit Pyll, me sipërfaqe 113.500 m2, e ndodhur në Pulaj- Plazh, Velipojë, Shkodër, regjistruar në emër të një shoqërie tregëtare.
2-Pasuria e llojit Pyll, me sipërfaqe 61.470 m2, e ndodhur në Pulaj- Plazh, Velipojë, Shkodër, regjistruar në emër të një shoqërie tjetër tregëtare.
3-Pasuria e llojit Pyll, me sipërfaqe 215.030 m2, e ndodhur në Pulaj- Plazh, Velipojë, Shkodër, regjistruar në emër të shtetasit Kolë Gjoka
Më 27 korrik 2023 ranë në pranga 6 persona dhe 9 të tjerë u shpallën në kërkim për dosjen ‘Metamorfoza’, mes të cilëve edhe Ervis Martinaj. Akuzohen për një vrasje, pesë tentativa vrasje si dhe grup kriminal e korrupsion./Dosja.al