Besmir Lesha, lindur dhe banues në Shkodër, ka zgjedhur të ndërtojë jetën dhe familjen e tij në qytetin ku u rrit. Ai është prind i dy fëmijëve dhe ka një histori të gjatë në sektorin privat, duke nisur punën që në moshën 14-vjeçare dhe e kombinuar me studimet në Administrim-Biznes në Universitetin “Luigj Gurakuqi”.

Besmir Lesha iu bashkua administratës publike fillimisht në Drejtorinë e Shërbimit të Transportit Rrugor, ku gjatë kësaj periudhe u realizuan jo vetëm ndërhyrje në përmirësimin e kushteve të punës për punonjësit por më konkretisht në shërbimin ndaj qytetarëve.

Angazhimi në Ndërmarrjen e Ujësjellës Sh.a Qarku Shkodër, ishte një sfidë e prekshme në drejtimin e tij. Aksioni për lirimimin e kolektorëve të qytetit jashtë funksionit prej vitesh, shërbimi ndaj qytetarëve ndaj çdo ankese apo problematikë bënë që kjo ndërmarrje të jetë më afër banorëve të të gjithë Qarkut Shkodër. Puna në ekip, bashkëbisedimi dhe njohja e punës në terren ishin pikat e forta të drejtimit të këtij institucioni që kryefjalë ka shërbimin.

Besmir Lesha i bashkohet ekipit të kandidatëve me bindjen se puna dhe vizioni i Partisë Socialiste janë çelësi për zhvillimin e qytetit.