OSHEE ka njoftuar sot se për arsyeje sigurie, i është kërkuar nga organet e hetimit, që linja 35kV Plasmas-Hysgjokaj të qëndrojë e stakuar për disa orë. Kërkesa është bërë pas shpërthimit të fuqishëm, që dyshohet se erdhi si pasojë e kontaktit të vinçit me linjën e tensionit të lartë, ngjarje që la pas dy viktima dhe 7 të plagosur.

Kujtojmë se një shpërthim i fuqishëm u regjistrua ditën e sotme në një magazinë në ndërtim në Lushnje, e cila ishte në pronësi të deputetit të PS, Bujar Çela. Nga ky shpërthim u regjistruan disa të plagosur, mes tyre dhe vetë deputeti Çela. Ky i fundit iu nënshtrua një ndërhyrjeje kirurgjikale. Nga kjo ngjarje humbi jetën vinçieri Landi Verçani dhe pas tij, rrugës për në spital mësohet se ka ndërruar jetë dhe i biri, pasi kishte marrë në trup djegie të shkallës së tretë.

Ndërkohë 7 pacientët e tjerë ende janë në spitalin e Lushnjes dhe mendohet se ndonjëri prej tyre mund të dërgohet drejt spitalit memorial të Fierit. Paraprakisht dyshohet se shkak për shpërthimin është bërë një vinç që ka prekur linjën e tensionit të lartë. Gjithashtu mësohet se mes të dëmtuarve nga shpërthimi në Lushnje është dhe nënkryetari i Bashkisë Elton Koreshi.

Post Views: 171