Një plagosje me armë zjarri është regjistruar mbrëme në Malësi të Madhe.

Një person ka mbërritur i plagosur në spitalin rajonal të Shkodrës. Mësohet se i riu ka marrë një plumb në shpatull, por fatmirësisht është jashtë rrezikut për jetën.

Ndërkohë, policia po heton për shkaqet e kësaj ngjarje.

Njoftimi i Policisë: Malësi e Madhe/Informacion paraprak

Rreth orës 20:50, në fshatin Demiraj, pas një konflikti për motive të dobëta mes shtetasve E. G., e A. K., me shtetasin S. B., ka mbetur i plagosur me armë zjarri pistoletë jashtë rrezikut për jetën, shtetasi E. G., 28 vjeç.

Në vendngjarje kanë shkuar menjëherë shërbimet e Policisë dhe grupi hetimor.

Në vijim të veprimeve hetimore, u shoqërua në Komisariat për veprime të mëtejshme, shtetasi S. B., pasi dyshohet se gjatë konfliktit ka plagosur me armë zjarri shtetasin E. G.

Ndërkohë janë ngritur pika kontrolli dhe vijon krehja e zonës me qëllim kapjen e shtetasit A. K, i përfshirë në konflikt.

Grupi hetimor nën drejtimin e Prokurorisë vijon punën për sqarimin e rrethanave të ngjarjes.

Post Views: 495