eetimes
Nga Florian Bjanku
Tashmë është fakt që Shkodra po përballet me ikje masive të popullsisë, ndërkohë të njëjtin trend ndjek edhe Universiteti i Shkodrës “Luigj Gurakuqi”, sa i takon numrit të studentëve. Rreziku që shumë fshatra të Bashkisë Shkodër të mbesin pa asnjë banorë dhe të shkojnë drejt fshirjes edhe në hartë, mund të shihet paralel me degët dhe fakultetet e universitetit që kanë të njëjtin rrezik me popullatën studentore, duke shkuar drejt mbylljes së tyre.
Në këtë situatë a mundet që bashkia dhe universiteti të bashkëpunojnë në zbutjen e kësaj plage? Natyrisht që po, kontributi mund të jetë shumë rezultativ, edhe pse mbase jo vendimtar, duke patur parasysh politikat e gabuara qendrore qeveritare të centralizimit.
Bashkia mund të luaj një rol shumë të rëndesishëm në një qytet universitar, sidomos kur universiteti përballet me numrin e ulët të studentëve. Bashkia mund të ndihmojë universitetin ne rritjen e kërkesës për të ndjekur studimet në menyra te ndryshme, si:
1. Promovimi i qytetit: Bashkia mund të promovojë qytetin para studentëve potencial që kanë interes për të studiuar në një qytet universitar, duke treguar atraksionet dhe mundesitë që ofron territori i bashkisë. Promovimi i qytetit dhe zonave përreth si një vend i mrekullueshem per të studiuar dhe jetuar duhet të jetë në fokus të dy institucioneve.
2. Ofrimi i burimeve financiare: Bashkia mund të ofrojë financime për të ndihmuar universitetin në rritjen e numrit te studenteve, duke investuar në programe të reja trajnimi, promovime, si dhe ofrimin e bursave për studentët.
3. Mundësia për praktika profesionale pune: Bashkia mund të ofrojë mundësi praktikash pune për studentët e universitetit, duke u mundësuar atyre të fitojne eksperience të vlefshme ne fushën e tyre të studimit, e cila njëkohësisht ndihmon në promovimin e qytetit.
4. Bashkëpunimi në projekte të përbashketa: Bashkia mund të bashkëpunojë me universitetin në projekte të përbashkëta që mund të ndihmojnë në rritjen e numrit të studentëve dhe promovimin e qytetit, si projekte ndertimi, projekte sociale dhe projekte mjedisore.
5. Ofrimi i këshillimit dhe ekspertizës: Bashkia mund të ofrojë këshillim dhe ekspertizë në fusha të ndryshme që mund të ndihmojnë universitetin në rritjen e numrit te studentëve, si planifikimi urban, politikat publike dhe zhvillimi komunitar.
Nga ana tjetër, Universiteti mund të jetë një faktor me shumë rëndësi për një bashki që ka probleme ekonomike dhe po përballet me ulje të popullsisë, si:
1. Mundësia e punesimit: Universiteti krijon mundësi punësimi për banorët e qytetit dhe bashkisë, duke filluar me stafin e nevojshëm për të funksionuar si dhe studentët që kanë nevojë për shërbime të ndryshme në qytet. Gjithashtu, universiteti krijon mundësi për të ndihmuar në rritjen e bizneseve lokale, duke u ofruar studentëve produkte dhe shërbime lokale.
2. Kontributi në ekonominë: Universiteti mund kontribuoj edhe nepermjet kerkimeve shkencore dhe zhvillimit te inovacionit, që mund të sjellin rritje ekonomike në territorin e bashkisë.
3. Promovimi i qytetit: Universiteti mund të ndihmojë në promovimin e qytetit dhe te bashkisë, duke e bërë një destinacion të preferuar per studentet nga e gjithë Shqipëria dhe përtej. Kjo mund të ndikoj pozitivisht në turizëm dhe i promovon njerëzve potencialet dhe mundësite që ofron qyteti dhe fshatrat e kësaj bashkie.
4. Bashkëpunimi me bashkinë dhe bizneset lokale: Universiteti mund te bashkepunojë me bashkinë dhe bizneset lokale për të ndihmuar në zgjidhjen e problematikave ekonomike në qytet, duke ofruar ekspertizë dhe këshilla ne disa fusha si mjedisi, zhvillimi i ekonomik, biznesi dhe politikat publike.
Në këtë menyrë, universiteti mund të jetë anasjelltas një faktor kyç për një bashki që po braktiset sidomos nga të rinjët, si shkak edhe i problemeve ekonomike, duke ndihmuar në rritjen e ekonomisë dhe në promovimin e qytetit si një destinacion i preferuar për studentët dhe turistët.
