Kryeministri Edi Rama ka reaguar përmes një postimi në rrjete sociale lidhur me akuzat e ngritura në adresë të tij, pas arrestimit të ish zyrtarit të FBI, Charles McGonigal.

“Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve!” shkruan Rama, ndërsa thekon se nëse hetimi do të kishte lidhje me të, autoritetet amerikane do e kishin bërë të ditur.

Pas arrestimit të ish-zyrtarit të FBI, demokratët kërkuan të hetohen takimet e tij me kreun e qeverisë. Ndërsa Gazment Bardhi shkoi edhe më tej ndërsa i kërkoi SPAK-ut të nisë menjëherë hetimet. Ndaj McGonigal janë ngritur akuza për shkak se ndihmoi një oligark rus, duke shkelur sanksionet amerikane.

Postimi i Ramës në Twitter:

Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve!

Jam mësuar, po së fundmi kam vendosur të mos merrem më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri pambarim! Më pak fjalë dhe akoma më shumë punë e kontakte me njerëzit që kanë punë për të bërë apo punë për të zgjidhur. Duhen kuptuar edhe ata që s’dinë të bëjnë asgjë tjetër, ashtu siç duhen kuptuar edhe ata që s’duan të besojnë asgjë tjetër përveç asaj që duan medoemos të besojnë.

Post Views: 326