Nuk ishte një ditë e zakonshme për pacientët dhe stafin në një klinikë mjekësore në Palermo, Sicili.

Pa e ditur ata, njeriu që ishte në një cep të dhomës së pritjes së spitalit ishte në fakt Matteo Messina Denaro, bosi më i kërkuar i mafies në Itali, i cili kishte qenë në arrati për 30 vjet, shkruajnë mediat e huaja.

Pas vendit ku ishte ulur Messina Denaro, pacientët mbetën në heshtje të tronditur, ndërsa panë oficerët e policisë të armatosur që lëviznin të qetë përgjatë korridoreve të klinikës private Maddalena.

Messina Denaro, duke parë oficerët e policisë, vrapoi dhe kaloi nëpër dyert e spitalit përpara se të shkonte në një lokal në një përpjekje dramatike për t’i shpëtuar arrestimit.

Por Messina Denaro, që tani është 60 vjeç dhe i është nënshtruar cikleve të kimioterapisë për kancerin, nuk ishte i aftë të bënte një gjë të tillë, me policët që arritën ta ndalonin sot në arrestimin më të madh mafioz prej vitesh.

Bosi i mafies, i cili nuk është parë në publik për tri dekada, u fotografua i ulur në një furgon policie, menjëherë pas arrestimit.

Ai u dërgua në një vend sekret nga policia menjëherë pasi u ndalua.

Një burrë që dikur thuhet se mburrej se mund të ‘mbushte një varrezë’ me viktimat e tij, Messina Denaro ishte një figurë udhëheqëse në Cosa Nostra, grupi i krimit sicilian.

Për një bos mafioz që shmangu arrestimin për më shumë se 30 vjet, ishin vizitat e tij të shpeshta në një klinikë private që çuan në arrestimin e tij.

Ai besohet se është bërë ‘bosi i bosëve’ pas vdekjes së Salvatore ‘The Beast’ Riina në nëntor të vitit 2022.

Messina Denaro ishte e fundit nga tre mafiozët e nivelit të lartë të arratisur për një kohë të gjatë që i kishte shpëtuar kapjes.

Ndërsa lajmi për arrestimin e tij u përhap në të gjithë Palermon, banorët vendas dolën për të duartrokitur dhe shtrënguar duart me oficerët e policisë italiane të përfshirë në operacion.

Banorët u panë duke brohoritur dhe duke fshirë lotët ndërsa ndjenë një valë lehtësimi që Messina Denaro, që kishte koordinuar për disa vite terrorin në Itali, më në fund ishte arrestuar.

Ndërkohë, kryeministrja italiane Giorgia Meloni e përshëndeti arrestimin si “një fitore të madhe për shtetin që tregon se nuk dorëzohet kurrë përballë mafies”.

Dhe siç vënë në pah mediat e huaja, përcjell Telegrafi, Messina Denaro përballet me dënime të shumta të përjetshme.

Ai u dënua në mungesë me burgim të përjetshëm për rolin e tij në vitin 1992 në vrasjen e prokurorëve Giovanni Falcone dhe Paolo Borsellino.

Bosi mafioz, i cili vjen nga qyteti i vogël Castelvetrano në Sicili, gjithashtu përballet me një dënim të përjetshëm për rolin e tij në sulmet me bomba në Firence, Romë dhe Milano, të cilat vranë dhjetë njerëz vitin e ardhshëm.

Në vitin 1993, Messina Denaro ndihmoi në organizimin e rrëmbimit të një djali 12-vjeçar, Giuseppe Di Matteo, në një përpjekje për të shantazhuar babanë e tij që të mos jepte dëshmi kundër mafies, thonë prokurorët.

Djali u mbajt në robëri për dy vjet para se të mbytej dhe trupi i tij të tretet në një kazan me acid.

Messina Denaro kishte qenë numri një në listën e më të kërkuarve të Italisë, por e vetmja foto e njohur e tij daton në fillim të vitit 1990.

Një “fytyrë e bazuar në përshkrimet e dëshmitarëve okularë” u krijua në vitin 2014 me ndihmën e një informatori.

Policia tha në shtator të vitit 2022 se Messina Denaro ishte ende në gjendje të lëshonte komanda rreth drejtimit të mafias në zonën përreth qytetit perëndimor sicilian të Trapanit, bastioni i tij rajonal, pavarësisht zhdukjes së tij të gjatë.

Në vitin 2015, policia zbuloi se ai po komunikonte me bashkëpunëtorët e tij më të afërt nëpërmjet sistemit të “mesazheve të koduara”, ku shënime të vogla letre të palosura ishin lënë nën një shkëmb në një fermë në Sicili.

Post Views: 598