eetimes
Një firmë e industrisë së mbrojtjes me qendër në Turqinë e Jugut që ka prodhuar sisteme anti-dron për forcat turke të sigurisë, duke përfshirë një sistem paralajmërimi të hershëm për të adresuar kërcënimet e shumta nga mjetet ajrore pa pilot (UAV) ka eksportuar sistemet e saj lokale në Katar dhe Shqipëri.
“National War Technologies Defense Systems Inc” me qendër në provincën jugore të Antalias, ka punuar në projekte anti-dron për rreth 25 vjet
Të dyja vendet u bënë të parët që blenë produktin e kompanisë nga jashtë, ndërsa zyrtarët e kompanisë thanë se ka negociata në vazhdim me vendet e tjera në përputhje me lejet e dhëna nga Industria Kombëtare e Mbrojtjes.
Bekir Yalçın, koordinator i kërkimit dhe zhvillimit (R&D) i firmës, i tha Anadolu Agency (AA) të mërkurën se kompania po prodhonte bllokues dhe filloi të prodhonte sisteme anti-dron në përputhje me kërkesat e Forcave të Armatosura Turke (TSK)
Sistemet kishin për qëllim kryesisht të përdoren kundër dronëve që mbanin drogë, bomba ose lloje të tjera të substancave të ndaluara me qëllim krijimin e terrorit, veçanërisht në zona të mbushura me njerëz.
Yalçın tha se produkti i tyre me emrin “IHAMAX” i cili u eksportua në të dy vendet në fjalë ishte projektuar kundër kërcënimeve të dronëve dhe është superior ndaj kolegëve të tij në shumë fusha.
Pajisja portative 3 deri në 4 kilogramë siguron mbrojtje lineare dhe rrethore. Mbrojtja rrethore lejon veçanërisht zgjidhje efektive kundër kërcënimeve të dronëve. IHAMAX është efektiv deri në 2 kilometra larg, në varësi të kushteve gjeografike dhe lidhjes së tij me qendrën e komandës.
“Ka tipare shumë më të larta se sa produktet ekuivalente. Është një aparat i rëndë mesatarisht 3-4 kilogramë, mund të bartet nga një person. Produktet ekuivalente barten nga më shumë se një person. Bateria e lëvizshme dhe e ndryshueshme e bën pajisjen tonë superiore”, u shpreh ai.
Koha e punës së pajisjes është 60 deri në 80 minuta si dhe deri në 30 ditë mund të qëndrojë në “stand by”
