Basha kthen një prej figurave më të vjetra të PD, ja kush është dhe posti që do të mbajë

Kryedemokrati Lulzim Basha ka vendosur të rikthejë në Partinë Demokratike një prej figurave më të vjetra dhe më të përfolura të së djathtës. Bëhet fjalë për Genc Rulin, ish-ministër në shumë prej qeverive të PD.

Genc Ruli do drejtojë Komisionin e Përzgjedhjes të Kandidatëve për deputete në zgjedhjet e ardhshme parlamentare, i cili do të nisë punën në muajin Shtator.

Para katër vitesh, Basha e hoqi nga lista e deputetëve por tanimë e rikthen duke i besuar postin e rëndësishëm. Nuk dihet ende nëse kreu i PD ka vendosur të rikthejë edhe figura të tjera që i largoi nga PD.