eetimesPresidenti Ilir Meta ka vijuar deklaratat për shembjen e godinës së Teatrit Kombëtar. Në rrjetin e tij social, Meta ka shpërndarë këngën e krijuar nga një artist i huaj për godinën, duke theksuar edhe revoltën që qyetarët ndjejnë për aktin e qeverisë.
“Shembja brutale e Teatrit Kombëtar, ka indinjuar jo vetëm artistët në Shqipëri, por edhe në Europë, të cilët revoltën e tyre kundër dhunës dhe barbarisë ndaj trashëgimisë kulturore e historike të vendit tonë po e shprehin me art,”-shkruan Meta.
Disa ditë më parë, kantautori i njohur zviceran Marco Zappa që në Shqipëri njihet me performancën e tij me këngën “Kur bjen fyelli çiftelia”, i ka surprizuar sërish shqiptarët duke i dedikuar një këngë edhe shembjes së Teatrit Kombëtar.
Teatri Kombëtar u shemb një javë më parë, ku forca të shumta policie nxorrën me forcë e dhunë artistët e aktivistët që ishin brenda në godinë. Pas shembjes së godinës kanë shpërthyer edhe njëherë protestat dhe kërkohen rindërtimin e Teatrit Kombëtar aty ku ishte dhe si ishte më parë.
