eetimes
Në rrugën e “Bishtit të Kalldrëmit” në Vlorë ka ndodhur një aksident, ku një makinë ka përplasur një fëmijë, i cili është dërguar me urgjencë në spital.
Mësohet se fëmija ka thyer njërin krah, ndërsa ka marrë edhe dëmtime të lehta në trup, teksa ndodhet nën kujdesin e mjekëve, ku për fat të mirë ndodhet jashtë rrezikut për jetën.
Makina që ka shkaktuar aksidentin është tip “Audi” ndërsa drejtuesi i mjetit pasi ka shkaktuar aksidentin është larguar nga vendi i ngjarjes pa i dhënë as ndihmën e parë.
Policia dhe grupi hetimor kanë mbërritur në vendin ku ka ndodhur aksidenti dhe kanë nisur hetimin për shkaqet, si dhe është vënë në kërkim drejtuesi i mjetit.
