Policia e Shkodres ka arrestuar dy shtetas, per kalim te paligjshem te kufirit. Ato u ndaluan pasi po tentonin te kalonin ilegalisht 9 shtetas algjeriane.

Behet fjale per dy shtetasit nga Malesia e Madhe, shtetasit Adond Aliaj dhe Fatos Hasaj.

Parandalohet dhe goditet një tjetër tentativë për dhënie ndihme për kalim të paligjshëm të kufirit, kundrejt fitimit.

Operacion nga strukturat e Drejtorisë Vendore të Policisë Shkodër.

Arrestohen në flagrancë dy persona, për dhënie ndihme për kalim të paligjshëm të kufirit, të cilët transportonin 9 shtetas algjerianë.

Nga strukturat e Drejtorisë Vendore të Policisë Shkodër, në vijim të operacioneve të njëpasnjëshme të zhvilluara për parandalimin dhe goditjen e tentativës për dhënie ndihme për kalim të paligjshëm të kufirit, bazuar dhe në informacionet e marra në rrugë operative, pas një pune të mirorganizuar u arrestuan në flagrancë shtetasit:

A. A., 30 vjeç, banues në fshatin Vrakë, Malësi e Madhe

F. H., 45 vjeç, banues në fshatin Boriç i Madh, Malësi e Madhe

Arrestimi i tyre u bë, pasi në afërsi të PKK Hani i Hotit u kapën teksa me mjetet e tyre po transportonin 9 shtetas të huaj algjerianë dhe tunizianë, me destinacion Malin e Zi dhe pastaj vendet e BE-së.

Materialet iu referuan Prokurorisë së Rrethit Gjyqësor Shkodër, për veprën penale “Ndihma për kalim të paligjshëm të kufijve“

Post Views: 4,026