eetimes
Kryeministri Edi Rama ka vizituar sot Krujën dhe familjet e mbledhura në Thumanë, të cilat mbetën të pasteha pasi tërmeti u prishi shtëpitë. I shoqëruar nga deputetja Eglnatina Gjermeni, Rama ka qenë edhe krah biznesmenit Behgjet Pacolli, i cili u ofrua të dhuronte 1.5 milionë euro për të gjithë të prekurit nga tërmeti.
Por në momentin që e takon Pacolli, kryeministri Edi Rama e zë ngushtë biznesmenin për lekët e premtuara dhe i kërkon të dijë se kur ka ndërmend të hedhë lekët.
Edi Rama: O Behgjet, ku je more do i hedhësh ato lekët apo jo
Behgjet Pacolli në siklet: Po, po
Edi Rama: Hajde pra se të kemi bërë hero!
Kryeministri Edi Rama ditët e fundit ka vizituar shumë familje të prekur nga tërmeti. Sot ishte në Krujë dhe u diskutua për nisjen e proçesit të ndërtimit të shtëpive që u shembën në Thumanë.
51 persona të vdekur, 913 të plagosur dhe 47 të shpëtuar, ky është bilanci i tërmetit. Toka vijon të dridhet. Tashmë ka nisur puna për idenftifikimin e dëmeve dhe paralelisht po mblidhen fonde.
