eetimes
Kryeministri Edi Rama ka reaguar sërish ashpër ndaj mediave, të cilat po raportojnë mbi situatën e krijuar pas tërmetit tragjik.
Kreu i qeverisë bën thirrje që të ndalohen klithmat në studio dhe të filtrohen informacionet, ndryshe “do bëjë atë që s’ua rrok imagjinata.
“Gjatë periudhës së gjendjes së jashtëzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!
Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!
Kjo është koha për kurimin psikologjik të popullit që ju ndjek dhe jo për rrenat e shamatatë karakteristike të veprimtarisë së zakonshme të një pjese të madhe të sferës suaj!”, shkruan Edi Rama.
©Copyright Gazeta SHQIP
