‘Jam pa gjumë’, Rama ngre zërin në takimin me ambasadorët: Ku është kafja ime?

Kryeministri Edi Rama ka kërkuar që të pijë një kafe në momentin që po zhvillon një takim me ambasadorët në Pallatin e Brigadave.

Teksa po i falenderonte të gjithë për ndihmat që ka marrë në momentin që Shqipëria kaloi një periudhë tragjedie pas tërmetit të 26 nënëtorit, Rama kërkoi kafe.

“Më falni se ndonjëherë nuk di të ndaloj…Pagjumësia ma bën këtë gjë, harrohem dhe s’di të ndaloj. Por ku është kafja ime? Ku është kafja ime e 16? Ja më erdhi kafeja…! Perfekte! Shpresoj që edhe proçesi i rindërtimit të Shqipërisë të vijë kështu si një kafe, e porosit dhe vjen, në mënyrë magjike,”– tha Rama duke ngritur zërin ndër të tjera.

Në takim me ambasadorët po diskutohet për sfidën e rindërtimit të banesa që u shkatërruan nga tërmeti.