Teksa nisi bashkëbisedimin live me ndjekësit në rrjete sociale, kryeministri Edi Rama tregoi një dhuratë që ka marrë nga një person gjatë takimit në Athinë, të cilën tha se do ta mbajë në zyrë si simbol të fitores të paharrueshme që do të marrë më 11 Maj.

Kreu i qeverisë ironizoi akuzat e opozitës se i ka kopjuar programin, teksa tha se është qesharake dhe a thua se ka kopjuar Kodin e Da Vinçit.

“Mirënjohje për shqiptarët e Greqisë, në Kretë dhe Athinë dhe na mikpritën dhe na mbështetën me shumë zjarr. Ndërkohë që përtej asaj që ishte një emocion si gjithmonë i posaçëm i komunikimit dhe i përjetimit në një sallë të mbyllur, na u dha mundësia që të takojmë plot të tjerë, të bashkëbisedojmë dhe ndjejmë dëshirën për t’u përfshirë në sfidën e bukur të 11 Majit. Fatkeqësisht një pjesë nuk janë regjistruar sepse ose e kanë lënë për në fund ose nuk janë informuar si duhet ose kanë pasur probleme me regjistrimin. Një numër i konsiderueshëm që thanë se kanë bërë plan që të vijnë këtu. Dua të falënderoj në mënyrë të posaçme zotërinë që më solli këtë në takimin e Athinës. Do të qëndrojë këtu s simbol i një fitoreje të paharrueshme, fitore me notën 10 për PS. Diku në një sallë kam një dorë tjetër që më ka dhuruar dikush tjetër, me një nga fushatat, nuk e kujtoj se cila prej tyre, me dy gishta dhe me trëndafilin. Tjetër fitore të bukur, kështu që shumë faleminderit edhe kam besimin që me votën e diasporës do të arrijmë diçka spektakolare.”, u shpreh Rama.

Kreu i qeverisë ironizoi Berishën edhe sa i takon çështjes së negociatave, teksa tha se BE nuk i merr në konsideratë njerëzit që kanë probleme me drejtësinë. Ai nuk kurseu ironinë edhe për marrjen e LaCicvita si këshilltar i PD për fushatën zgjedhore.