Rënia e vlerës së Euros ka bërë që operatorët turistikë ta kthejnë vëmendjen nga leku dhe paketat turistike po ofrohen në monedhën vendas.

Eksperti Feriolt Ozuni në një intervistë për A2CNN u shpreh: Në 15 vite nuk kisha parë kontrata në monedhën vendase lekë vetëm në euro. Ka filluar që vjet me disa raste sporadike, por që po shihet mundësia në lekë që agjencitë të kenë më pak humbje dhe t’i lihet në njëfarë mënyre barra partnerit ndërkombëtar. Çmimet janë dhënë në monedhën vendase dhe partnerëve u është dhënë mundësia të llogarisin çmimet edhe sipas bankës së Shqipërisë por edhe kontrata në euro por me një diapazon ndryshimi.

A do të përballemi përsëri me rritje çmimesh nga strukturat akomoduese shqiptare?

“Nëse nuk ndryshon kursi i këmbimit, s’do ndryshojnë çmimet, por me luhatjet edhe çmimet do të përshtaten.”