Drejtoria Vendore e Policisë Shkodër

Specialistët e Sektorit të Qarkullimit Rrugor referuan materialet në Prokurori ku nisi procedimi në gjendje të lirë për shtetasin A. P., 24 vjeç, banues në fshatin Spaç, pasi ditën e djeshme, në segmentin rrugor “Pukë-Mjedë”, duke drejtuar automjetin, ka humbur kontrollin dhe si pasojë automjeti ka dalë nga rruga dhe është përplasur me një shkëmb. Nga aksidenti është dëmtuar lehtë 24-vjeçari.

Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasin A. M., 51 vjeç, banues në Shkodër, pasi ka ushtruar dhunë ndaj bashkëshortës së tij.