Pavarësisht punëve të mira që është bërë nga Bashkia Shkodër për rikonstruksionin e rrugëve në lagjet e qytetit, ka plot të tilla të cilat janë në gjendje tejet të amortizuara, ku në to nuk është vënë dore prej 3 dekadash.

Amortizimi i këtyre rrugëve dhe rrugicave nëpër disa prej lagjeve në periferi, ka krijuar probleme të mëdha duke vënë kështu në vështirësi drejtuesit e mjeteve.

RTSH Shkodra bëri një vëzhgim këtë të hënë nëpër disa rrugë, të cilat paraqesin probleme të mëdha.

Janë jo larg qendrës së qytetit dhe vuajnë prej vitesh për mungesën e investimeve.

Në të gjithë gjatësinë e tyre disa rrugë në “Zooteknikë” janë në gjendje të keqe.

Banorët vijojnë të ankohen, pasi situata është e përkeqësuar në të gjitha stinët, si në verë po ashtu edhe në dimër.

Një situatë e ngjashme, e cila nuk po zgjen zgjidhje, është edhe ajo në lagjen “Mark Lula”, pavarësisht ankesave të vazhdueshme të banorëve.

Situata bëhet më e vështirë për fëmijët e vegjël të cilët e kanë të pamundur të kalojnë përmes gropave me ujë për të shkuar në shkollë.

Një situatë e tillë në lagjen “Mark Lula” vijon prej më shumë se 30 vitesh.

Ende deri më tani nuk është marrë asnjë masë për t’i dhënë zgjidhje problematikës.