Në sondazhin e sotëm të paraqitur nga Report Tv në bashkëpunim me Eduard Zaloshnjan zgjedhësit e qarkut të Shkodrës u pyetën se për kë do votonin nëse zgjedhjet do ishin sot.

Rezultati mes PS dhe PD është pothuaj i barabartë. 33.6% e zgjedhësve të Shkodrës janë për PS-në, ndërsa 33.5% janë për PD-në. 14.1% do votonin për partitë e vjetra të tjera, ndërsa 18.8% për partitë e reja.

Sa i përket zgjedhësve të Shkodrës që jetojnë në Shqipëri, rezultati është disi në favor të PS-së me 34% krahasim me 33.6% që do votonin për PD-në. 15% e zgjedhësve do votonin për partitë e tjera të vjetra, ndërsa 17.4% për partitë e reja.

Sa i përket atyre që jetojnë në emigracion PD-ja është disi në avantazh, me 33.2% të votave krahasim me 32.7% që do votonin PS-në.

Partitë e vjetra të tjera do votoheshin me 12.4%, ndërsa partitë e reja me 21.7%.

Post Views: 27