Kryeministri Edi Rama ka kërkuar nga Asambleja Kombëtare e PS-së ka kërkuar të miratojë anëtarët e Asamblesë Rinore të PS-së, që është edhe projekti i lançuar sot nga kreu socialist, si strukturë që do të veprojë në këtë parti në kuadër të asaj që konsiderohet si ri-energjizimi i PS-së.

Rama ka propozuar që zv.Kryetarë të Asamblesë të votohen Ilva Gjuzi dhe Besa Spaho, ndërsa për Sekretar të Asamblesë ka propozuar Ondi Bejleri, zv.Kryetar i Bashkisë së Shkodrës.

Kryeministri tha se e gjithë partia duhet të bëhet një platformë e hapur për cilindo që do të na bashkohet. Ai vuri theksin në angazhimin fizik, shpirtëror, politik, të matshëm, në territor, dhe jo me lobime nga kafeneja.

Gjatë mbledhjes së Asamblesë, Kryeministri bëri të ditur edhe emrat e drejtuesve Politikë të PS në qarqe, ku në Tiranë, që është edhe qarku më i madh dhe me peshën më të lartë elektorale do të ketë 3 drejtues që janë: Elisa Spiropali, Erion Veliaj dhe Ogerta Manastirliu.

Ndryshime ka pësuar në disa qarqe, si në Shkodër, Durrës dhe Berat që Edi Rama ua ka besuar drejtimin politik Kryebashkiakëve në detyrë. Ndërkohë Belinda Balluku është zhvendosur nga Dibra në Fier, ndërsa në Dibër ka hyrë si drejtues politik, Blendi Gonxhja, ministër i Ekonomisë, Kulturës dhe Inovacionit.

Taulant Balla nga drejtues politik i Fierit është caktuar si drejtues politik i Diasporës. Ndërkohë në Elbasan, Damian Gjiknuri është zëvendësuar nga Arbjan Mazniku.

Të pandryshuar kanë mbetur drejtuesit politikë në Qarqet Lezhë, Korçë e Kukës, që Rama ua ka besuar përkatësisht Ulsi Manjës, Niko Peleshit dhe Pandeli Majkos.

Drejtuesit politikë

Qarku Tiranë
Elisa Spiropali, Erion Veliaj, Ogerta Manastirliu

Durrës
Emirjano Sako

Shkodër
Benet Beci

Lezhë
Ulsi Manja

Kukës
Pandeli Majko

Elbasan
Arbjan Mazniku

Fier
Belinda Balluku

Korçë
Niko Peleshi

Gjirokastër
Kumbaro

Berat
Ervin Demo

Vlorë
Bledi Çuçi

Dibër
Blendi Gonxhe

Drejtuesi politik për Diasporën
Taulant Balla

Post Views: 109