eetimes
Situata ka dalë jashtë kontrollit. Në këtë zonë në fshatin Mjedë, në afërsi të “Urës së Spatharit”, territori është kthyer në një shesh inertesh.
Banorët jashtë kameras thonë se ndotjen e shkaktojnë persona dhe subjekte të zonave përreth që kryjnë punime në banesa, ndërsa mbetjet e ngurta i depozitojnë në këtë shesh. Kjo situatë është e papranueshme dhe se mbetje të tilla duhen hedhur në zonat e përcaktuara. Ndaj është i nevojshëm ndërgjegjësimi i subjekteve, për të mos i hedhur këto mbetje në natyrë, të cilat mund të jenë edhe të rrezikshëm, pasi demi dhe kostoja financiare është disa fish më i madh dhe me impakt në xhepat e të gjithë qytetarëve.
Hedhja e tyre u ndalua disa vite më parë, madje ishte vetë Bashkia e Vau Dejësit që e pastroi territorin në fjalë.
Mirëpo, realiteti në pamje flet ndryshe. Mbetjet inerte hidhen në mënyrë sporadike në venddepozitimet e paligjshme të krijuara në Shqipëri që prej viteve 90-të. Brigjet e lumenjve janë zonat ku ky problem ndeshet më shpesh. Ekspertët e mjedisit kanë ngritur me dhjetëra herë zërin për dëmin që i shkaktohet mjedisit dhe kanë kërkuar ndërhyrje të menjëhershme.
