eetimes
Vau i Dejës me pasuritë e jashtëzakonshme natyrore vijon të tërheqë çdo vit e më shumë tursitë vendas dhe të huaj.
Të vetëdijshëm për potencialin turistik që ofron gjithë zona, bashkia e Vaut të Dejës edhe këtë vit e shndërroi çeljen e sezonit turistik në një festë ku morën pjesë vizitorë të shumtë.
E pranishme në këtë aktivitet, ministrja e Shtetit për Marrëdhëniet me Parlamentin, Elisa Spiropali, njëherësh drejtuese politike e PS-së në qarkun e Shkodrës, u shpreh se numrat e turistëve e vizitorëve janë gjithnjë në rritje.
Megjithatë, Spiropali theksoi se Liqeni i Komanit, Lumi i Shalës dhe e gjithë kjo zonë mahnitëse duhet të marrin vëmendjen e duhur në investime për t’i bërë të mbërritshme destinacionet e pazbuluara dhe perlat e patreguara, për më shumë ekonomi, turizëm dhe mirëqënie për individët, familjet dhe komunitetin.
“Në festën e çeljes së sezonit turistik, ku shijuam këngët e vallet popullore të artistëve të zonës, panairin e gatimeve tradicionale, produkteve lokale, artizanale, dhe vozitjen në liqen”, u shpreh Spiropali.
Lumi i Shalës mbetet një nga perlat turistike të veriut, që mban rekord turistësh, pa lënë mënjanë liqenin e Komanit dhe ishullin e Shurdhahut.
Promovimi i zonave turistike dhe rivitalizimi i ofertës turistike është një prej nismave që ka ndërmarrë së fundmi bashkia e Vaut të Dejësit me mbështetjen e Bashkimit Evropian përmes projektit “Vau-Dejës si destinacion turistik” në partneritet me Qendrën për Promovimin e Konkurrueshmërisë.
