eetimes
Një 34-vjeçar është arrestuar në Malësinë e Madhe, pasi tentoi t’i vidhte me dhunë çantën një të moshuare.
Ngjarja e ndodhur mesditën e sotme, u parandalua nga shërbimet e Policisë. Brenda në çantën e 73-vjeçares kishte 15 500 lekë të rinj që tentoi t’i merrte 34-vjeçari.
“Mesditën e sotme, punonjësit e Policisë të planëzuar me shërbim në terren, për goditjen e paligjshmërive dhe rritjen e parametrave të sigurisë, kanë konstatuar një shtetas që po tentonte t’i merrte me dhunë çantën një shtetaseje të moshuar. Menjëherë kanë ndërhyrë shërbimet e Patrullës së Përgjithshme që ishin me shërbim në këtë zonë, për të parandaluar vjedhjen dhe për të vënë në pranga autorin“, thuhet në njoftimin e policisë.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
