Ditën e sotme dorzuam në Bashkinë Shkodër një propozim lidhje me masat e qarkullimit rrugor të ndërmarra për menaxhimin e trafikut në Qytetin e Shkodrës.
Ftoj Bashkinë Shkodër të ndërmarrë veprimet konktrete dhe të bëjë transparente kërkesat e parashtruara.
Memo: Problematika e qarkullimit rrugor dhe menaxhimi i trafikut në Qytetin e Shkodrës
Datë: 19/10/2023
Drejtuar: Kryetarit të Bashkisë Shkodër Z. Benet Beci
Nga: Imeldi Sokoli Këshilltar i Këshillit Bashkiak Shkodër.
Lënda: Propozim për ndryshimet e qarkullimit rrugor dhe menaxhimin e trafikut në Qytetin e Shkodrës.
Një ndër problemet të më dukshme që aktualisht ndikon në jetën e banorëve të qytetit është trafiku i rënduar dhe kjo evidentohet me shtimin e kohës së qendrimit në trafik apo bllokime të akseve rrugore. Këto probleme vërehen kryesisht gjatë sezonit të verës kur numri i makinave dhe i përdoruesve rritet në mënyrë eskponenciale. Problemet e trafikut janë edivente edhe gjatë periudhave të tjera kohore, zakonisht gjatë mëngjesit dhe drekës.
Si masa urgjente për zbutjen e kësaj problematike në kuadër edhe të sezonit turistik, institucioni që ju drejtoni ka ndërmarrë një sërë masash që konsistojnë në investimet në korsi biçikletash dhe ndryshime të flukseve të qarkullimit rrugor (kthim të rrugeve me sens unik), në rastin e Bulevardit Zogu i I-rë dhe Rrugëve Daut Boriçi e Pogej.
Nga evidentimet në terren vërehet që kjo zgjidhje zonale (qarkullimi me sens unik) ka sjellë problematika të shumta në aspektin e qarkullimit.
 Së pari në akset rrugore me sens unik në praktikë nuk është nuk kane sjellë nje përmirësim të aksesit rrugor për shkak të parkimeve të makinave në korsitë aktive për lëvizje, kjo sjellë në të shumtën e rasteve bllokim dhe rritjen në kohë të levizjes dhe tregon që situata nuk menaxhohet dot edhe nga instancat shtetërore që kanë në kompetencë qarkullimin rrugor.
 Së dyti ky lloj instrumenti ka impakt negativ në biznesin e zones sepse akses I kushtezuar ne rrugë do te thoteakses I kushtezuar ne biznesin e zones.
 Së treti gjatë sezonit turistik kjo nderhyrje ka rrezultuar e gabuar për vetë faktin se ky ndryshim kontribon në përmirësim të aksesit në zonë por që problemi trafikut ka efekt ‘domino” që çon në ashpërsimin e këtij fenomeni në pikën tjetër pasaardhëse të qarkullimit që në këtë rast është hyja e qytetit e cila ka qënë nyja kryesore problematike e trafikut gjatë sezonit turistik.
Sa i përket investimeve në korsi biçikletash këto lloj investimesh janë të mirpritura për qytetaret por që këto investime duhet të jenë të integruara me të gjithë aksin rrugor, pra këto ndërhyrje nënkuptojnë rehabilitim dhe transformit të të gjithë aksit rrugor në mënyrë që të kenë efekt afatgjatë duke mos cënuar flukset e tjera të levizjes apo përdoruesit e tjerë (në rastin më të shpeshtë parkimet).
Në këtë kuadër propozojmë:
• Rikthimin e akseve me sens unik në akse me dy sense lëvizjeje duke marrë parasysh që ky vendim ka patur impakt negativ në bizneset e zonës duke parë edhe menyren jo korrekte të ndërmarrjes së këtij vendimi. Aktualisht ky vendim eshte jo koherent duke patur parasysh dhe kalimin e gjendjes së “emergjencës” sa i perket flukseve te sezonit turistik. Nje vnedim i tillë për të marrë trjatje permanente duhet te konsultohet me publikun duke lënë një diskutim të hapur teknik në kuadër të Planit të Levizjes së Qendrueshme të Qytetit.
• Të bëhet transparent plani kohor i afateve për hartimin e Planit të Levizshëmrisë së Qendrushme të Qytetit i cili duhet të transformojë në mënyrë rrënjësore lëvizshmërinë dhe duhet të përfshijë patjetër:
1. Çështjen e vendodhjes së terminalit multimodal të qytetit,
2. Transportin publik,
3. Lëvizjen në këmbë,
4. Lëvizjen ne biçikleta,
5. Aksesin për grupet e disavantazhuara,
6. Parkimet publike dhe private,
7. Lëvizshmërinë në zonat muzeale,
8. Lëvizshmërinë në zonat tregtare
9. Zbutjen e hospoteve të trafikut sipas rastit dhe evindecave.
10. Dhënien përparësi në buxhet për implementimin e këtij plani me indikatorë të matshëm.
Në këtë kuadër, ftojmë institucionin e bashkisë të ndërmarrë vendime transparente duke bërë publike qasjen e saj në mnëyrë që të përfaqsojë interesin publik në favor të qytetarëve dhe të gjithë grupeve të interesit në qytet, duke i dhënë prioritet zgjidhjes së problemit.

Post Views: 342