eetimes
Që sezoni turistik në Shqipëri ka pasur një hov të pazakontë këtë vit, ky nuk është më lajm për mediet shqiptare e të huaja.
Kryeministri Edi Rama postoi të martën (5 shkurt) një grafik të destinacioneve turistike me rritjen më të madhe gjatë këtij sezoni.
Grafiku, i marrë nga “motori i kërkimeve virtuale”, Google, ilustron Shqipërinë të tretën në botë pas Turqisë dhe Kroacisë si vende për t’u vizituar.
“Edhe sipas të dhënave nga vetë GOOGLE, Shqipëria renditet e treta sa i takon destinacioneve me rritjen më të madhe të këtij sezoni turistik, ndërsa Tirana jonë e dyta që lë pas plot prej qyteteve të stërkonfirmuara prej dekadash në turizëm,” shkroi kryeministri Rama në rrjetin social Facebook.
Të dhënat nga Instituti i Statistikave tregojnë se Shqipërinë e kanë vizituar këtë verë mbi 5 milionë të huaj nga rreth 150 shtete, nga të cilët më shumë se 2 milionë shqiptarë të Kosovës.
Shqipëria shihet nga vizitorët e huaj si një destinacion që ndërthur malin, detin, turizmin kulturor dhe historik.
/rtsh.al/
