eetimes
Nga Anila Hoxha
Ai ishte një biznesmen i fuqishëm, vetëm 49 vjec që mjafton të dëshironte dhe do ta kishte cfarë synonte. Lidhjet e tij ishin të forta dhe këtë e provoi më pas hetimi i SPAK që konstatoi se shefa policie dhe prokurorë i bindeshin. Por në të kaluarën gjyqtarë e prokurorë i kishin thënë ‘po” për një betejë tokash në zonën e Velipojës duke ndikuar që fuqia e tij të rritej, e ai të kthehej i pandalshëm. Edhe kur bëhej fjalë për persona me të cilët kishte lidhje familjare, por që pronësia e tokës kishte dalë përmbi ta. Gjyqtarë prokurorë , shefa policie dhe jo vetëm, listës së ndihmësve i shtohen të tjerë persona me pushtet ende nën verifikim nga SPAK, sepse sic dyshohet në një dosje voluminoze Pëllumb Gjoka kishte njerëzit e duhur në momentin e duhur. Deri ditën kur përmes postës elektronike SPAK u njoftua nga një grua dhe i biri se biznesmeni ju kishte rrëmbyer hektarë të tërë me tokë të trashëguar.
Toka me sipërfaqe 39 hektarë që Lulë Zefi dhe i biri , Donaldi, kushërinj të biznesmenit akuzuan se iu ishte rrëmbyer nga një grup kriminal, ishte kallzuar më herët në prokurorinë e Shkodrës për dyshimet e falsifikimit të dokumentave. Ata kishin insistuar për një kohë të gjatë se nuk pati asnjë akt dhurimi toke nga e moshuara Drande Hotaj, e cila rezultonte prej 1938 si pronare e tokës. Por hetimet nuk rrodhën në drejtimin e duhur. Dy prokurorë në këtë qytet vlerësuan se cështja ishte parashkruar e duhej pushuar. Por familja Zefi që kishte provuar shtetin dhe gjyqësorin ndër vite me një seri gjyqtarësh që nuk ju dhanë të drejtë, e provuan sërisht edhe në gjykatën e lartë. Sipas një vendimi rezulton se Lulë Zefi përfundoi në gjykatën e lartë duke kundërshtuar aktin e dhurimit të tokave nga e ëma, e ndjera Drande Hotaj duke kërkuar pavlefshmëri absolute. Në këtë vendim ata akuzojnë për kërcënime dhe përmendin emrin e Pëllumb Gjokës.
“ Kontrata e dhurimit nr. 6583 rep., nr. 2481 kol., datë 29.08.2017, mes nënës Drande Hotaj dhe shtetasit Kolë Gjoka, është e pavlefshme pasi është lidhur në kushtet e mungesës së vullnetit nga nëna shtetësia Drande Hotaj e cila është 86 vjec, e moshuar, nuk di të shkuaj as të lexojë, se ne momentin e nënshkrimit të saj ka qënë e pandërgjegjshme për rëndësinë e veprimeve të saj edhe pse nuk i është hequr zotësia për të vepruar. Gjithashtu Drande Hotaj e ka kryer veprimin juridik për shkak të kanosjes së ushtruar nga shtetasi Pëllumb Gjoka, i biri i Kolë Gjoka. “ shkruhet në vendimin e gjykatës së lartë datë 21 shkurt 2022.
Por familja humbi sërisht dhe denoncimi i tyre në SPAK ishte nën verifikim, kur Europol përcolli informacione për 7 shtetas shqiptarë që përdornin SKY . Celësi që hapi kutinë e pandorës ju dha SPAK nga francezët gjatë një hetimi për trafikun e kokainës nga Amerika e Jugut drejt porteve kryeosore evropiane. Pikërisht ky rrjet ndërvepronte sakaq për tjetërsimin e një sipërfaqeje tokës në bregdet duke falsifikuar dokumenta shtetërore- thotë prokuroria kundër krimit të organizuar në Tiranë.
Emrat që kishte përballë Lulë Zefi , një grua e panjohur nga Kurbini që në 2017 ishte sulmuar me armë dhe i kishte shpëtuar një atentati ( ngjarje për të cilën autori u dënua për kanosje dhe armëmbajtje) , ishin të paprekshëm dhe kete e provojne fashikujt nen hetim dhe dyshimet se biznesmeni ka lidhje te tjera me te konsoliduara jo vetem ne drejtesi. Ai shfaqet me lidhje me emrat te fortesh , miti i te cileve shkakton ende frike
Sky në këtë rast ishte “ filli i Arianës” që nxorri nga labirinthi drejtësinë e cila ka në duar deri më tani skenarë krimesh të ndodhura nga vrasës me pagesë shqiparë dhe të huaj, krime makabre të kryera duke prerë në besë miqtë, hakmarrje të përgjakshme, një polici të dështuar që nuk gjurmonte të kërkuarit por u hapte rrugen atyre qe vrisnin, vrasës të egër, banda qe gjurmojne njera tjetren nen bekimin e perfaqesuesve te shtetit per tu vrare. Të korruptuar prokurorë e zyrtarë policie që funksiononin për njerëz të botës së krimit si Behar Bajri e Ervis Martini.
Biseda qe nese shkon pertej tyre dhe verifikon e mbledh dosje nder vite, kupton se kane shkuar pertej, ndikojne ne emerime, ngritje ne karriere, promovime , dhe jo vetem ne polici, por edhe ne sistemin e drejtesise. PO .
Nuk ka me heronj nga ana e atyre qe duhet te garantojne jeten pronen tone. Tek tuk sic ndodhi me Fatmira Deden qe e vrane sepse kerkoi nga policia e prokuroria e Durresit ti gjenin vrasesit e djalit, del nje Lule.
Dhe nga ana tjeter. Jane ca zyrtare policie qe per paradoks predikojne ligj, ca gjyqtare e ca prokurore, jo per tu dekurajuar, por per te kuptuar se e drejta kur zullumi trashet e keput vete fillin.
Sepse pertej bisedave ne SKY ku dalin emra te tjere zyrtaresh , bindesh se ai prokurori qe u arrestua ishte i njejti qe kishte luftuar te kapte nje pozicion ne nje institucion te ri. Jo vetem ceshtje parash, por duart lajne njera tjetren, biznesokrimi ndihmon e ndihmohet.
Me pas ai u caktua nga KLP si kryeprokuror ne Kukes. Aty mëson që sa për sy e faqe prokurori heton, por sakaq instrukton te hetuarit se duhet ta shtyjnë gjyqin e grupit te Bajrave . Jane te njejtet te dyshuar te cilet vlen per tu theksuar, po nga kjo drejtesi e re u shpallen se nuk ishin grup e duhet per moskoptence te hetoheshin ne Shkoder.
E nga Shkodra ata dalin ne heshtje te pafajshem, te paprekur.
Ne SKY me kodin MHSE7L , ai prokurori i lë takim Behar Bajrit të takohen nga darka tek shtëpia. Të tjerë gjyqtarë e prokurorë dhe zyrtarë policie dyshohet se janë aty, SEPSE bisedat jane te qarta qe nje nder diku eshte bere, dikush ka ndikuar per mikun e mikut te mikut.
Shërbëtorë të krimit dhe aspak të qytetarit të pambrojtur që kërcënohet, i rrëmbehet cdo gjë me vetëm një “ alo..”
