E mbani mend këtë foto? Romano Prodi në mes të turmës së vlonjatëve të revoltuar dhe në krah të Zani Caushit, me armë në dorë.

Kjo është vizita e parë e një kryeministri italian në kryeqytetin e jugut të Shqipërisë.

Ishte viti 1997, një nga periudhat më të errëta të historisë shqiptare që erdhi pas rrëzimit të piramidave, të cilat ironikisht Berisha i quante suksesin e kapitalizmit shqiptar. Vlora në atë kohe kishte vetëm krisma dhe Prodi erdhi për t’i dhënë shpresë njerëzve të terrorizuar që donin vetëm të iknin nga ferri qe kishte shpërthyer rrugëve.

26 vite më pas, nga deti vjen një tjetër kryeministre e Italisë. Georgia Meloni do qëndrojë në Shqipëri për disa ditë pushimi në “Ferie d’agosto”e famshëm italian. Meloni ndryshe nga Prodi gjen tërësisht një tjetër panoramë në qytetin që nuk dëgjon më nga krismat dhe përleshjet e bandave, por nga muzika e lokaleve të mbushura me turistë, shumica italianë.

Kryeqyteti i bandave të 1997-tës tashme është kryeqyteti i turizmit shqiptar. Ndryshimi kolosal në 26 vitet e fundit të këtij qyteti simbolikisht shënohet edhe nga kjo vizitë turistike e një prej pasardhësve të Prodit ne pallatin Kixhi.

Shqipëria është bërë trendi turistik europoan i këtij viti dhe mbi 4 milionë turistë erdhën nga aeroporti ndërsa çdo ditë me mijëra e mijëra mbërrijnë nga deti. Sot Meloni erdhi së bashku me mbi 2 mijë italianë shumica të rinj që janë kuriozë të vizitojnë plazhet e Shqipërisë pasi panë apo dëgjuan nga të tjerët për natyrën fantastikë dhe mikpritjen e jashtëzakonshme të shqiptarëve.

Meloni, ashtu si Prodi dje, është e mirëpritur sot./ Top Channel

Post Views: 265