eetimes
Prej sot filloj një rrugëtim të ri, atë politik!
Zyrtarisht jam kandidate për Këshillin Bashkiak të Shkodrës!
Fillimisht dua të falenderoj të gjithë ata që propozuan emrin tim, falenderoj kryesinë e PD dega Shkodër, kryetarin z.Gjenarin Kapcarin dhe kryetarin e bashkisë të sotëm dhe të nesërm z.Bardh Spahia që e pritën me shumë dashamirësi propozimin dhe vlerësuan që emri im të jetë pjesë e listës së kandidatëve të Këshillit Bashkiak në zgjedhjet e 14 majit!
Pranova me kënaqësi të jem pjesë e listës së koalicionit “Bashkë fitojmë” sepse dua të jap kontributin tim për Shkodrën, dua të jem një Zë jo vetëm rrjetesh sociale, por edhe aty ku është salla më e ‘shenjtë’ e vendimeve lokale për qytetin dhe bashkëqytetarët e mi.
Shkodra meriton të jetë kryeqendër, Shkodra meriton vëmendje, Shkodra meriton investime, Shkodra meriton të jetë Shkodra e lavdishme dhe jo ajo që aktualisht është, e lënë në harresë nga qeveria aktuale.
Nuk e njoh politikën por njoh atë që dua në shpirt, njoh dëshirën time të rri e të jetoj në qytetin tim, dua që fëmijët e mi të gëzojnë në vëndin e tyre dhe jo të jenë ‘some strangers’ në çfarëdo shteti përtej kufinjve. Politika është vendimmarrja, prandaj I bashkohem politikës, për të qënë zëri I atyre që nuk dëgjohen!
Bashkë fitojmë me Bardh Spahinë për Shkodrën tonë, për t’a bërë Atë më të bukurën lule!
