eetimes
Kryeministri Edi Rama ka reaguar me anë të shkrimeve në Twitter për protestat që prej ditësh zhvillohen në të gjithë vendin. Rama i jep mesazh publik Metës dhe Berishës duke i thënë se nuk do e kthejnë sërish Shqipërinë në përsheshin e tyre, ndërsa shton se “sado ëndrra të shohë Luli duke mbajtur lugën në dorë që t’i vijë gjella e Monikës, Shqipëria do të vazhdojë drejt përpara, me mund e durim”
Edi Rama: Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!
Sipas Ilir Metës policia nuk duhet të reagojë, po duhet të dorëzojë Tiranën dhe veten në duart e dhunuesve të verbër, që ai bashkë me Saliun të bëjnë Lulin dhëndërr të pushtetit dhe Monikën arkëtare të shtetit, si në kohët e arta të bashkëqeverisjes me plumba mbi protestuesit!
Por Iliri dhe Saliu duhet ta harrojnë se e kthejnë prapë Shqipërinë për përsheshin e tyre dhe sado ëndrra të shohë Luli duke mbajtur lugën në dorë që ti vijë gjella e Monikës, Shqipëria do të vazhdojë drejt përpara, me mund e durim, për t’u bërë ajo që duan fëmijët e saj!
Ndërkohë, vijojnë protestat në qytetin e Shkodrës, ku të rinjtë kërkojnë rrëzimin e Edi Ramës dhe kanë hyrë në selinë e PS duke hedhur në rrugë gjithçka kishte brenda për ti vënë më pas flakën
