Pas skandalit të trafikimit të emigrantëve nga Lindja e Mesme, pas të cilit u arrestua Drejtoresha e Drejtorisë Rajonale të Kufirit e Migracionit, Tiranë, bashkë me 3 zyrtarë të tjerë, gjykata ka vendosur masën e sigurisë “pezullim të ushtrimit të funksioneve publike” për të gjithë zinxhirin drejtues të Drejtorisë së Kufirit në Tiranë.

Pezullimi nga funksionet publike u vendos si masë për Altin Hasanin, Besnik Zela, Albana Metko dhe Enkeleda Toska. Ndërsa për pakistanezin Salim el Cheikh Joussef u vendos ti ndalohej dalja jashtë vendit.

Po ashtu edhe shtetësja Suela Kacabani nuk lejohet të dalë jashtë shtetit. Asaj i morën pasaportën dhe gjykata vendosi masën “detyrim paraqitje” Burime zyrtare nga policia bënë me dije se pas hetimeve të kryera për fenomene abuzive nga punonjës policie të Drejtorisë Rajonale të Kufirit dhe Migracionit, Tiranë, të zbërthyera nga emisioni Top Story, në zbatimin e procedurave për lëshimin e lejeve të qëndrimit ndaj shtetasve të huaj, nga Lindja e Mesme, që hyjnë në Shqipëri, u ndaluan shtetasit;

Enkelejda Toska, me detyrë Drejtore e Drejtorisë Rajonale të Kufirit e Migracionit, Tiranë Besnik Zela, me detyrë Shefi i Sektorit në DRKM, Tiranë; Altin Hasani, me detyrën e Shefit të Seksionit në DRKM, Tiranë dhe Albana Metko, specialiste në DRKM, Tiranë.

“Ndalimi u krye pasi dyshohet se ata në bashkëpunim me shtetas të ndryshëm, që përfaqësojnë firma e kompani në fushën e turizmit, kanë keqpërdor atributet dhe kompetencat ligjore që u jep funksioni organik, duke shkelur detyrimet ligjore për pajisjen e shtetasve të huaj me leje qëndrimi. Dyshohet se ata kanë favorizuar apo ndihmuar në realizimin e trafikut ndërkombëtar të qënieve njerëzore, nëpërmjet Shqipërisë.

Është e dokumentuar nga emisioni investigativ Top Story, se kjo veprimtari e kundraligjshme është kryer për një kohë të gjatë, në bashkëpunim me njëri-tjetrin dhe me shtetas të tjerë kundrejt shpërblimeve financiare të konsiderueshme.

Gjithashtu, në këtë veprimtari antiligjore, përfaqësues të firmave e kompanive të ndryshme përpilonin dokumente zyrtare të falsifikuara, të cilat konsistojnë në krijimin e kompanive fiktive, kontratave fiktive të punës, adresave të rreme, enkas për të plotësuar detyrimet sipas ligjit për të përfituar leje qëndrimi në Shqiperi.

Ndalimi u bë për veprat penale të “Dhënie ndihme për kalim të paligjshëm të kufirit” “Shpërdorim detyre” dhe “Falsifikim dokumentesh” kryer në bashkëpunim. Hetimet vijojnë deri në dokumentimin e plotë të veprave penale të konsumuara nga këta punonjës policie

Dokumentari investigativ Top Story zbuloi ekskluzivisht për herë të parë të gjithë skemën e trafikut të arabëve në Shqipëri dhe përfshirjen e drejtuesëve të lartë të Policisë së Kufirit

Post Views: 577