eetimes
Javët e fundit shumë njerëz janë duke praktikuar distancimin social duke punuar nga shtëpia. Ndërsa kjo zgjidhje mund të jetë një mënyrë e mirë për të reduktuar përhapjen e koronavirusit është një luks që u rezervohet vetëm 29% të amerikanëve (dhe pak të tjerëve nëpër botë)
Situata për pjesën e mbetur 71 pwr qind është e paqartë, më e pakta që mund të thuhet. Një pjesë e konsiderueshme e popullsisë ka humbur punën për shkak të mbylljes së biznesit dhe urdhrit për të qëndruar mbyllur të aktivitetit. Punonjës të tjerë “në shërbime thelbësore” kanë vijuar punën si zakonisht, por mund të përballen me një rrezik të lartë të ekspozimit ndaj COVID19
Të dhënat e Occupational Information Network përcaktojnë se cilat profesione janë më të rrezikuar ndaj ekspozimit nga COVID-19. Rezultati për çdo profesion mbështetet në vlerësimin e të dhënave që lidhen me tre aspekte fizike të punës, të përfshira në databazën e punësimit
1.Kontakti me të tjerët/ Sa kërkon kjo punë që punonjësi të jetë në kontakt me të tjerët, në mënyrë që ta kryejë?
2.Afërsia fizike / Në çfarë mase kjo punë kërkon që punonjësi ta kryejë aktivitetin në afërsi fizike me të tjerët?
3.Ekspozimi ndaj sëmundjeve dhe infeksioneve / Sa shpesh kjo punë e ekspozon punonjësin ndaj kushteve të rrezikshme?
Ndërkohë që është e qartë se infermierët dhe mjekët janë më të ekspozuar ndaj virusit, profesione si avokatët apo web developers, për shembull, janë më pak të ekspozuar ndaj tij.
Nëpërmjet fushatës #LightItBlue, njerëzit u janë mirënjohës përpjekjeve të guximshme të punonjësve të shëndetësisë në përballjen me virusin në linjën e parë. Megjithatë, me më pak se një të tretën e amerikanëve (dhe në botë) që mund të punojnë nga shtëpia, shumë të tjerë janë duke punuar në vijën e parë.
Dy nga këto profesione janë shoferët e autobusëve dhe kasierët – të dyja kërkojnë që punonjësit të jenë në afërsi fizike me të tjerët. Shërbimet që këta individë ofrojnë janë thelbësore, pavarësisht rreziqeve, shumë kanë punuar gjatë kësaj periudhe.
COVID 19 ka pasur ndikim të ndryshëm te të gjithë, mbi të gjitha sa u përket rreziqeve me të cilat njerëzit përballen çdo ditë në punë. Individët në linjën e parë, ata që kujdesen për pacientët mbarëvajtjen e jetës sonë pa probleme. Ndërkohë ata që kanë fatin të punojnë nga shtëpia mund të japin ndihmën e tyre në distancimin social
