Kërcënimet e fundit të ardhura nga qeveria e Iranit në drejtim të Shqipërisë, kanë vënë në gatishmëri të plotë Shërbimet e Inteligjencës në vendin tonë. Oficerë të Shërbimit Informativ Shtetëror, por edhe strukturat e anti terrorit pranë Policisë së Shtetit, prej ditëve të para të janarit 2020 janë vënë në gjendje alerti, me qëllim zbulimin dhe parandalimin e çdo rasti të mundshëm të veprimeve kriminale ndaj rendit dhe qytetarëve shqiptarë nga forca të jashtme, kryesisht nga element të ardhur nga lindja e mesme.

Nisur nga kjo gjendje janë marrë mjaft masa që në pikat kufitare, ku vizitorët e huaj që vijnë nga vendet e Lindjes së Mesme në Shqipëri, i nënshtrohen procedurave dhe rregullave të imtësishme, ku intervistohen dhe u fiksohen shenjat e gishtave. Në monitorimin e kësaj situate, agjencitë ligjzbatuese janë duke mbajtur një bashkëpunim të ndërsjelltë me shërbimet e huaja të Inteligjencës.

eri në këtë fazë që flasim nga Shqipëria janë dëbuar disa zyrtarë të Ambasadës Iraniane në Tiranë si dhe janë shpallur në kërkim si pjesë e celulës terroriste dhe më konkretisht, Ayatollah Khamenei, Alireza Naghashzadeh, Abdulselman Turgut.

Drejtuesi i celulës terroriste rezulton një person i njohur me emrin Peyman, operativi i Forcave QUDS, krahut operacional të Gardës Revolucionare Islamike, përgjegjëse për sulme terroriste në vende të ndryshme, që dyshohet se ka rreth 20 mijë anëtarë dhe që varet direkt nga lideri iranian, Ayatollah Khamenei.

Njëherësh në kuadër të këtyre masave, mësohet se nga ana e Drejtorisë së Migracionit dhe Kufirit, i është hequr leja e qëndrimit në Shqipëri dy shtetasve irakianë dhe më konkretisht, Thamer Ali Radhi Zaidawi dhe Odai Mohammad Saleem Albeik. Të dy këta shtetas, e kanë kundërshtuar këtë vendim të Drejtorisë së Kufirit dhe Migracionit në Gjykatën Administrative në Tiranë. Të dyja këto padi civile janë duke u shqyrtuar nga gjyqtaret Elda Vrioni dhe Elvana Çiçolli në Tiranë.

Pritet që në ditët në vijim autoritet Shqiptare të marrin vendime të tjera për dëbimin e disa zyrtarëve të tjerë me orgjinë nga Lindja e Mesme. Një ndër ta, është dhe iranianin Ehsan Bidi, dezertor nga kampi i muxhahedinëve në Manzë. Mësohet se Ehsan Bidi i është refuzuar leja e qëndrimit dhe aktualisht po mbahet ne qendrën e mbyllur të Karecit derisa të përfundojnë procedurat e largimit të tij. Ehsan Bidi, mbërriti në Shqipëri si pjesë e kontigjentit të më tepër se 2 mijë muxhahedinë nga kampi i lirisë në Irak.

Post Views: 7,064