Kryeministri Edi Rama ka vizituar sot Krujën dhe familjet e mbledhura në Thumanë, të cilat mbetën të pastreha pasi tërmeti u prishi shtëpitë.

I shoqëruar nga deputetja Eglantina Gjermeni dhe biznesmeni Behgjet Pacolli që u vetëofrua të dhuronte 1.5 milionë euro për të prekurit nga tërmeti, Rama ka vizituar familjet e strehuara provizorisht në ambjentet e shkollës “NR.4” në Krujë.

Sapo është futur në sallën e palestrës, kryeministri ka kërkuar që të gjithë burrat të qëndrojnë në këmbë dhe të ulen gratë.

Pjesë nga biseda

Rama: Të gjithë burrat në këmbë, do ulen gratë

Gjermeni: Po e bërë këtë në krujë, bravo të qoftë

Rama: Gratë punojnë

Gjermeni: Dakort, gratë punojnë (dhe ulet)

Rama: S’ka më, të gjithë burrat në kmëbë, gratë të ulen STOP!

Më pas i drejtohet deputetit Rrahman Rraja: Rrahman çohu Rrahman, hajdese do ulën gratë, jo burrat!

Rraja: Po, po u çova.

Kryeministri Edi Rama ditët e fundit ka vizituar shumë familje të prekur nga tërmeti. Sot ishte në Krujë dhe u diskutua për nisjen e proçesit të ndërtimit të shtëpive që u shembën në Thumanë.

51 persona të vdekur, 913 të plagosur dhe 47 të shpëtuar, ky është bilanci i tërmetit. Toka vijon të dridhet. Tashmë ka nisur puna për idenftifikimin e dëmeve dhe paralelisht po mblidhen fonde.