Kreu i Partisë Demokratike, Sali Berisha, ka deklaruar se PD dhe aleatët e saj kanë nisur fushatën zgjedhore me një epërsi të pakrahasueshme ndaj kundërshtarëve, duke theksuar se ata besojnë në vlera dhe jo në shndërrimin e Shqipërisë në një vend të torturave dhe plaçkitjeve të mëdha. Berisha theksoi se Partia Demokratike do të kërkojë mbështetje nga qytetarët, duke paraqitur një projekt të ri dhe ambicioz për Shqipërinë.

“Ne shkojmë kokulur dhe ballëhapur, duke kërkuar zemrën dhe mendjen e qytetarëve, por gjithashtu duke paraqitur një projekt që Shqipëria nuk e ka njohur kurrë më parë”, u shpreh Berisha. Ai theksoi se ky projekt është i largët në pamje të parë, por është një ëndërr e bukur dhe reale për çdo shqiptar dhe punëtor me dinjitet.

Berisha kritikoi gjithashtu kundërshtarët, duke i quajtur ata përfaqësues të liderëve dështakë, që promovojnë imazhe të pakonceptueshme për Shqipërinë. “Pala tjetër paraqet hardhucë, zhapikë, bretkosa, zhaba dhe tani së fundi mustaqet e Kujtimit”, u shpreh Berisha, duke nënkuptuar se kundërshtarët e tij janë të lidhur me figura të cilat nuk përfaqësojnë vlerat e shqiptarëve.

Berisha: PD dhe aleatët e saj nisin fushatën me një epërsi të pakrahasueshme me kundërshtarin tonë, ne besojmë në vlera, jo në shndërrimin ne Shqipërisë në vendin e torturave, jo në plaçkitjen më të madhe që ka njohur shqipërua. Ne shkojmë kokulur dhe ballëhapur, kokulur sepse do të kërkojmë mbështetjen e tyre, zemrën e tyre, mendjen e tyre, por gjithashtu ne paraqesim një projekt që Shqipëria nuk e ka njohur kurrë më parë. Ne paraqesim një projekt në pamje të parë i largët, Shqipëria madhështore, por është absolutisht ëndrra më e bukur, e ditës dhe jo e natës e çdo shqiptari, e çdo njeriu punëtor me dinjitet. Pala tjetër paraqet hardhucë zhapikë, bretkosa, zhaba dhe tani së fundi mustaqet e Kujtimit.