Bashkia Shkodër ka nisur riparimin e stolave në pedonalen e “Molos” në hyrje të qytetit. Janë mbi 80 ulëse që janë dëmtuar, ku në pjesën më të madhe shkaktare ka qënë dora e njeriut, e cila nuk ka kursyer as këtë investim publik. Raste që po bëhen të përsëritura, pasi edhe në muajin dhjetor të vitit të kaluar, u krye një tjetër riparim i tyre. Drejtori i shërbimeve publike në bashki, Alfred Luleta ju bën thirrje qytetarëve t’i mbrojnë këto investime, pasi të gjitha realizohen me paratë e tyre si taksapagues dhe çdo ndërhyrje shtesë, rrit kostot.


Alfred Luleta, drejtor i shërbimeve publike, Bashkia Shkodër
Një apel Luleta e ka edhe për organet ligjzbatuese që të vënë para përgjegjësisë autorët e këtyre akteve jo qytetare.


Alfred Luleta, drejtor i shërbimeve publike, Bashkia Shkodër
Dëmtimet e investimeve publike mbeten një shqetësim serioz për Bashkinë Shkodër, e cila ju ka bërë thirrje të vazhdueshme qytetarëve që të mbrojnë pronën e përbashkët dhe të denoncojnë cdo rast që konstatojnë. Riparimi i tyre ndikon që të rriten shpenzimet dhe ato para mund të përdoren për të tjera nevoja që ka territori, qofshin shërbime apo investime të reja.

Post Views: 186