Drejtor i Bujqësisë në bashkinë e Shkodrës, Alban Sekja ka bërë të ditur se dëmet nga përmbytjet kanë qënë të mëdha. Teksa ishte i ftuar ditën e sotme në emisionin ‘Sot Live në Shqipëri’, Sekja tha se mbrëmjen e kaluar ka pasur një tendencë rritje të përmbytjeve të tokës prej 60 ha. Ai shtoi se vetëm në 3 muaj në qytetin e Shkodrës ka pasur 3 përmbytje, e shton se pa u tharë uji nuk mund të bëhet një evidentim i dëmeve bujqësore.

‘1400 ha tokë bujqësore nën ujë. Po shohim tendencë rritje. Natën e mbrëmje ka pasur një tendencë rritje prej 60 ha. Mbrëmë ka pasur rreth 70 cm ujë, duke filluar përmbytjet graduale në Dajç. Ndalimi i shkaktimit të hidrocentralit dhe përmirësimi i motit që të ulim nivelin e ujit. Dëmet janë grupet e punës gati, por siç e dini kjo për 3 muaj është përmbytja e tretë. Është akoma e njëjta situata, pa kaluar uji nuk mund të bëjmë dot evidentim të dëmeve.’- tha Sekja.

Shkak për pëmbytjet thotë Sekja, janë bërë shkakrimet e hidrocentraleve të kaskadës së Drinit.

‘Këto përmbytje vijnë nga shkarkimet e hidrocentraleve të kaskadës së Drinit, se shirat por të shohësh vitin e kaluar kanë rënë shira më të mëdha dhe nuk ka pasur kështu përmbytjesh. Ne jemi të mendimit që të bëhet një draft ligjor dhe të dëmshpërblehet ai që shkakton dëmet. Rrjeti i kanaleve kulluese kanë inventarin e vet bordi i kullimit në Lezhë, ka bërë një punë shumë të mirë. Edhe bashkia Shkodër ka bërë një punë jashtëzakonisht të mirë. Në këtë situatë kur uji ka një nivel 1m dhe 1.50 m mbi tokë nuk ka funksion kanalet kulluese, këtu duhet të bëhet një studim nga qeveria shqiptare për reduktimin përgjithmonë të këtyre dëmeve.’- u shpreh Sekja.

Moti i keq vijon prej ditësh në vendin tonë. Më e rëndë paraqitet sot në zonën e Currilave në Durrës, aty ku ka pasur rrëshqitje dherash. Ndërsa në Shkodër dhe në Lezhë vijojnë ende disa zona të jenë të përmbytura.

Post Views: 179