Të nderuar e të dashur të rinj e të reja!

Të nderuar anëtarë, simpatizantë e mbështetës të Partisë Demokratike!
Në kuadër të procesit të zgjedhjeve e strukturimit të degëve të Forumit Rinor të Partisë Demokratike, në mbështetje të statutit dhe përmbushjes së kritereve të kandidimit, i bindur plotësisht me vullnetin tim të lirë e të plotë dhe me sens të lartë përgjegjësie, kam vendosur të përfshihem në këtë proces vendimtar e të rëndësishëm për FRPD-në, e të shpall kandidaturën time për kryetar të FRPD-së, dega Shkodër.

Vendosa të hyj në këtë garë, sepse fillimet e mia të angazhimit politik lidhen pikërisht me organizatën partnere të Partisë Demokratike, me Forumin Rinor. Me të rinjtë e të rejat e kësaj partie, më bashkojnë shumë fushata elektorale për zgjedhjet parlamentare e vendore, në mbështetje të PD-së. Më bashkon pjesëmarrja aktive në aktivitete të ndryshme politike. Me shumë prej të rinjve, tashmë kam krijuar miqësi e kontakte. Ato janë të pandalshëm e të përhershëm në hovin e tyre për të qenë pjesë aktive e pandarë e të gjitha aksioneve politike, qoftë mitingje, protesta apo organizime të tjera me karakter politik e shoqëror. Bashkë me ta, kam përjetuar fitore e humbje, e së fundmi sfida e përballje në opozitë prej disa vitesh.

Jam i gatshëm të marr përsipër një rrugëtim të ri, bashkë me të rinjtë e të rejat shkodrane, në drejtimin e Forumit Rinor të Partisë Demokratike në Shkodër, me përgjegjësitë dhe sfidat që më presin.

Kërkoj mbështetjen direkte të të rinjve për të arritur bashkërisht qëllimet dhe objektivat në të mirë të ndryshimit të situatës shoqërore dhe politike në qytet e në vend.
Ofroj angazhimin e bashkëpunimin tim të plotë e të pakursyer ndaj të gjithëve, me synimin e vetëm: të përfaqësoj denjësisht të rinjtë e të rejat në çdo organizim, aktivitet, aksion politik e jo vetëm, vendimmarrje për të mirën e të mbarën e përbashkët.

Unë i garantoj të rinjve e të rejave gjithëpërfshirje, liri, të drejta e barazi në të gjitha proceset e brendshme vendimmarrëse të FRPD-së.
Të rinjtë do të aktivizohen, stimulohen e do të kenë hapësirën e duhur të nevojshme të shprehen, të dëgjohen e t’u pranohen mendimet kundër e ndryshe. Demokracia e brendshme me të rinjtë do të garantohet konkretisht e do të funksionojë normalisht. Ato do të propozojnë, rekomandojnë, sugjerojnë dhe vendosin. Vendimi i tyre do të pranohet dhe zbatohet plotësisht e qartësisht.

Afrimi dhe anëtarësimi i sa më shumë të rinjve e të rejave në Forumin Rinor të Partisë Demokratike, dega Shkodër duke i ofruar të gjitha mundësitë, kapacitetet e hapësirat është një zotim imi që do të realizohet.

Të rinjtë do të marrin pjesë në takime, trajnime, workshop-e të ndryshme. Do të ketë vizita, ndarje e shkëmbim eksperiencash me organizata të tjera partnere politike ndërkombëtare, në kuadër të bashkëpunimit politik.
FRPD do të funksionojë realisht si një grupim i strukturuar politik në mbështetje të parties qendër, ku përfshirja e të rinjve dhe të rejave është mbi baza vullnetare; ku roli, kontributi, angazhimi dhe mbështetja e tyre është e mirëpritur, ku fryma e skuadrës është e pranuar.
Ka ardhur koha e momenti deçiziv që të rinjtë e të rejat të angazhohen maksimalisht për të bërë e sjellë ndryshimin e shumëkërkuar e të shumëpritur.
Është koha për të vepruar me të gjitha forcat e energjitë në përballje me regjimin e qeverisë së dështuar të Edi Ramës. Këto vite, shqiptarët janë kthyer mbrapsht në kohë. Kjo qeveri ka shkatërruar ekonominë e tyre familjare. Rendi dhe siguria janë në rrezik. Jetesa e tyre është përkeqësuar dhe vështirësuar ndjeshëm. Të rinjve u ka rrëmbyer të ardhmen në vendin e tyre. Shifrat e largimit dhe emigrimit masiv të tyre flasin frikshëm.

Reagimi i shqiptarëve dhe të rinjve kryesisht, është rruga dhe mënyra e vetme për të ndalur këtë qeveri të korruptuar, të zhytur në skandale, padrejtësi, pabarazi dhe shkelje ndaj tyre.

Të rinjtë janë gurët lëvizës të ndryshimit për mirë.Ato janë aftësia fituese në luftën e së mirës ndaj së keqes që ka mbërthyer vendin tonë.
Të rinjtë janë mundësia dhe alternativa më e mirë dhe më e arrirë për të gjitha proceset dhe zhvillimet reformuese të vendit.
Janë udhëheqësit e çdo pikënisje e pikëmbërritje në proceset transformuese rrënjësore në të gjitha drejtimet, aspektet dhe fushat e jetës shoqërore dhe politike të vendit.

Të rinjtë janë promotor të demokracisë, iniciator e mbrojtës të vlerave, idealeve e parimeve themelore. Vendi dhe shoqëria jonë ka nevojë jetike për të rinjtë. Ka nevojë për trurin, rolin e kontributin e tyre.
Askush dhe asnjë më shumë se të rinjtë nuk e ndryshon gjendjen e realitetin në të cilin ndodhet vendi ynë.Kur të rinjtë i përgjigjen nevojës për ndryshim, ndodh revolucion me pushtetin.

Në mbyllje, duke ju falënderuar të gjithëve, kërkoj mbështetjen tuaj me votë për të finalizuar e zyrtarizuar emrin tim si kryetar i FRPD-së Shkodër