1/3 shqiptarë ikin nga vendi/ Eurostat: 2008-2020, 778 149 qytetarë morën leje qëndrimi në BE

Emigrimi apo azil kërkimi shqiptarëve në botë përmes shifrave, në mënyrë të shpeshtë vjen përmes raporteve ndërkombëtare. Sipas një raporti të Organizatës të Kombeve të Bashkuara për popullsinë mbërrihet në përfundimin se që nga viti 1990 deri në 2020-n, nga Shqipëria janë larguar rreth 1.2 milionë persona.

Në mënyrë periodike Eurostat, agjencia europiane e statistikave sjell të dhëna të cilat në mënyrë të pavarur tregon numrin e shqiptarëve që kërkojnë azil në vendet europiane përfshi ata të cilët kanë aplikuar për e kanë marr tashmë leje qëndrimi në BE.

Në këtë tabele Eurostat ka publikuar lejet e qëndrimit të lëshuara në vendet e BE-s duke nisur nga viti 2008 deri në vitin 2021 për qytetarët shqiptarë, duke dhënë një panoramë 13 vjeçare dhe një indikator të fortë për largimet. Nga një mbledhje aritmetike e këtyre të dhënave të Eurostat shuma e përgjithshme e lejeve të qëndrimit të lëshuara nga vendet e unionit për shqiptarët është 778.149.

Në statistika është e pamundur të sillet numri atyre të cilëve ndodhen ilegalisht.

Një tjetër e dhënë e Eurostat tregon se gjatë vitit 2020, 40.558 shqiptarët kërkuan azil në një prej vendeve të BE-s duke u renditur të tretët për azil kërkimin në europë pas Marokut dhe Sirisë.

Dy vite më pas, për 7 mujorin e parë të 2022, sipas Eurostat numri shqiptarëve që kërkuan azil në një vend të BE-arriti në 6 550. Po sipas Eurostat në raport me popullsinë Shqipëria ka numrin më të lartë të azil kërkuesve.

Ukraina, një vend në luftë me popullsi rreth 40 milionë banorë kishte vetëm 1295 aplikime për azil në muajin maj, ndërsa Shqipëria 960 persona.

Javën e shkuar parlamentit anglez iu raportua se deri në mesin e Tetorit 2022 me gomone në brigjet angleze kishin mbërritur 12.000 shqiptarë.

Një tjetër indikator i largimit të shqiptarëve janë edhe të dhënat e INSTAT. Nga matjet vjetore të INSTAT, popullsia e Shqipërisë më 1 janar 2022 ishte 2,793,592 persona, me tkurrje 14% nga viti 1990./TopChannel