“Fati” i Ervis Martinaj përplas institucionet e drejtësisë, Prokuroria kërkoi të kontrollonte disa banesa, por Gjykata e hedh poshtë

Hetimet për të hedhur dritë mbi fatin e Ervis Martinajt, duhet se po përplasin institucionet. Gazetarja Klodiana Lala raporton për BalkanWeb se Prokuroria e Kurbinit ka kërkuar lejimin e kontrollit të disa banesave në Durrës, por Gjykata e ka rrëzuar.

Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse. Ndërkohë kërkesa për kontrollin e banesave, u pranua nga gjykata e Apelit Tiranë.

Fati i Ervis Martinajt vijon të mbetet mister që prej datës 3 gusht, pas denoncimit të bërë nga familjarët e tij se rezulton i zhdukur.