Kosova vijon me shifrat e larta të COVID19 8 viktima dhe 767 raste të reja në 24 orët e fundit

Kosova vijon të shënojë shifra të larta dhe alarmante nga COVID19 Në 24 orët e fundit janë regjistrua 8 viktima, 4 prej të cilave në Prizren, 2 në Gjilan e nga 1 në Suharekë e Prishtinë

Kryeqyteti vijon të ketë shumicën e rasteve ditore të reja, me 434 vetëm në 24 orët e fundit. Ndërkohë problematike situata mbetet edhe në Gjilan, Mitrovicë, Gjakovë e Ferizaj

Kosova ka vendosur disa masa kufizuese teksa për Prishtinën mund të ketë ”Lock-Down” pasi rekomandimi tashmë është dhënë

NJOFTIMI NGA IKSHPK

2178 TESTIME, 186 TË SHËRUAR DHE 767 RASTE ME COVID

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 2.178 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 767 raste pozitive. Brenda 24 orëve janë raportuar 8 raste të vdekjes me SARS CoV-2 pozitiv. Rastet e vdekjes janë nga komunat: Prizren 4 raste (87, 84, 61 dhe 60 vjeç), Gjilan 2 raste (89, 77 vjeç), Prishtinë 1 rast (74 vjeç), Suharekë 1 rast (70 vjeç)

Numri total i rasteve pozitive është 26.888 raste nga 113.738 persona të dyshimtë në virusin SARS-CoV-2 dhe 784 raste të vdekjes.

Gjatë 24 orëve të fundit, janë shëruar 186 pacientë derisa numri i përgjithshëm i të shëruarve deri më sot është gjithsej 16.685 raste, kurse numri i rasteve aktive është 9.418.

Rastet pozitive janë nga komuna Prishtinë 434 raste, Gjilan 58 raste, Mitrovicë 41 raste, Gjakovë 33 raste, Ferizaj 31 raste, Fushë-Kosovë 29 raste, Lipjan 16 raste, Viti 14 raste, Vushtrri 13 raste, Skenderaj 12 raste, Kamenicë 11 raste, Podujevë 11 raste, Rahovec 11 raste, Prizren 9 raste, Obiliq 8 raste, Suharekë 7 raste, Drenas 5 raste, Kaçanik 5 raste, Deçan 4 raste, Pejë 4 raste, Shtime 4 raste, Dragash 2 raste, Klinë 2 raste dhe me nga një rast komunat Graçanicë, Istog dhe Novobërdë.

Mbuloni gojën dhe hundën me maskë! Mbani higjienën! Respektoni distancën!