U prek nga COVID-19, ndërron jetë në Infektiv mjeku hematolog

Ndërron jetë në spitalin Infektiv mjeku hematolog, Arjan Pushi, njëkohësisht profesor i fakultetit të Mjekësisë. Arjan Pushi, prej pak ditësh ishte shtruar në spitalin Infektiv në Tiranë i prekur nga Covid19

Arjan Pushi është viktima e parë nga radhët e bluzave të bardha që ndërron jetë si pasojë e Covid19 Numri i viktimave në vend si pasojë e koronavirusit shkon në 63

Ministria e Shëndetësisë njofton me hidhërim të thellë ndarjen nga jeta të profesorit të Fakultetit të Mjekësisë Arjan Pushi, i cili, referuar shërbimit infektiv, ndërroi jetë pak momente më parë në spitalin Infektiv, i prekur nga COVID19, pavarësisht përpjekjes maksimale të stafit mjekësor.

Prof. Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë.

Ministria e Shëndetësisë i shpreh ngushëllime famljarëve dhe miqve të profesor Arjan Pushit