Mungesa e testimeve masive sipas këshillave të OBSH con në një shifër të ulët dhe jorealiste të të prekurve nga COVID-19 dhe për rrjedhojë në një shifër të lartë, në përqindje, të vdekjeve. Kjo shifer mund të krijonte panik në publik. Pra mungesa e testimeve adekuate jo vetëm pengon menaxhimin e saktë të situatës apo rrit shanset për përhapjen e virusit por në mënyrë indirekte ndikon edhe në krijimin e panikut te publiku.


Nga një analize e shifrave statistikore që raportohen te OBSH për rastin e Shqipërisë vihet re mungesë të paktën koherence. Duke patur parasysh se shifrat e ndryshme kanë korrelacionin e tyre, sa herë që ndërhyhet në to për të zbukuruar apo fshehur/ulur ndonjë parametër, me ose pa dashje, natyrisht që prishen/rriten të tjerat.

Por në tabelën e dhënë në këtë shkrim jam i detyruar të shqyrtoj të dhënat për Shqipërinë të prezantuara në faqen e OBSH si të pranueshme dhe prej tyre te nxjerr përfundimin për raportin mes numrit të vdekjeve dhe numrit total të të infektuarëve për Shqipërinë. Ky mund të duket një përfundim jo fort i pëlqyeshëm e deri panikues për publikun por kjo vjen nga statistikat që janë dërguar nga Shqipëria drejt OBSH dhe natyrisht përgjegjësia për këtë aspekt bie mbi autoritetet shqiptare. Jam i sigurtë se nëse do të kishte testim adekuat të të prekurëve nga COVID-19 atëhere edhe ky përfundim do të ishte ndryshe, e me shumë gjasa më optimist.


Raporti i numrit të vdekjeve me numrin total të të prekurëve, i shprehur në përqindje rezulton në rastin e Shqipërisë (i llogaritur nga shifrat e autoriteteve shqiptare) i barabartë me 5,4 përqind. Më të lartë sesa vendi ynë këtë shifër e kanë ndër të tjera Italia (10,6 %), Spanja (7,8%). Irania (7,1%) dhe Franca(6,1%).


Shqipëria e ka këtë shifër më të lartë edhe sesa të gjithë vëndet e rajonit, konkretisht më të lartë se Bosnja(1,6%), Serbia(1,5%), Sllovenia (1,4%), Maqedonia e Veriut(1,4%), Kosova (1,3%) dhe Mali i Zi(1,2%).


Shifrën më të ulët të këtij raporti e kanë Izraeli (0,3%), Gjermania (0,7%), Austria (0,9%), Turqia (1,6%) dhe SHBA(1,6%) dhe të gjithë vendet e rajonit tonë.


Si përfundim: Autoritetet shqiptare mbajnë përgjegjësi për saktesine e statistikave te dërguara në OBSH për Shqipërinë, të cilat cojnë në përfundime jo fort optimiste e ndoshta deri shqetësuese për publikun. Për rrjedhojë, nisur edhe nga ky aspekt, gjykoj se është kriminale të mos bëhet testimi masiv sipas sygjerimeve të OBSH. Të gjithë argumetat për të mos e kryer këtë testim do të klasifikoheshin nga paaftësia, kaosi në organizim apo mania për të mos treguar të vërtetën për numrin e të infektuarëve??

Për më tepër që kjo mungesë e testimit masiv ndikon jo vetëm në përhapjen e edidemisë e në saktësinë e shifrës totale të të infektuarëve por edhe në koherencën e kësaj shifre me shifrat e tjera. Ritheksoj se per me teper ky përfundim do të ishte ndryshe më “optimist” e më pak panikuese, nëse do të ishte bërë testimi masiv dhe shifra totale e të infektuarëve do të ishte më afër realitet???!!